فوتو: kff_team
سىرت الاڭدا وتكەن تارتىستا مالتا ۇلتتىق قۇراماسىن 0:2 ەسەبىمەن ۇتتى. ويىننىڭ 52-مينۋتىندا ايبار ابدۋللا, 72-مينۋتتا دامير قاسابولات گول سوقتى. قازاقستان جاستار قۇراماسىنىڭ بۇل ەۋروپا چەمپيوناتىنا ىرىكتەۋ كەزەڭىندەگى العاشقى جەڭىسى. جاستاردى باۋليتىن اعا باپكەر قايرات نۇرداۋلەتوۆ گول توعىتاتىن ءساتتىڭ كەيبىرىندە فۋتبولشىلاردىڭ تىم اسىعىستىققا سالىنعانىن, پاس بەرۋدە دە ءجيى قاتەلىككە ۇرىنعانىن ايتتى.
«مالتا جاستار قۇراماسىنىڭ كەيىنگى ويىندارىن قاراپ, زەرتتەۋ جۇرگىزدىك, قۇرامادا ءوسۋ بار ەكەن. شاكىرتتەرىمىزدىڭ ىرىكتەۋدەگى العاشقى جەڭىسىنە ارينە قۋانامىز. بىراق ءالى دە تاجىريبەنىڭ كەمدىگى بايقالادى. ەۋروپا ەلدەرىنىڭ جاستارىمەن جولداستىق ماتچ وتكىزىپ, ويىنشىلاردى شىڭداۋىمىز كەرەك. فۋتبولشىلارىمىزدىڭ تەحنيكاسى دا ءتاپ-ءتاۋىر, فيزيكالىق كۇشى دە مىعىم, جەتپەيتىنى تەك تاجىريبە», دەدى اعا باپكەر.
