senate_kz
ماۋلەن اشىمباەۆ بۇگىنگىدەي گەوساياسي تۇراقسىزدىق جاعدايىندا جانە حالىقارالىق ۇيىمداردىڭ جۇمىس تيىمدىلىگى تومەندەگەن كەزەڭدە اتالعان كونفەرەنتسيانى وتكىزۋدىڭ ماڭىزدىلىعىن اتاپ ءوتتى.
«تاياۋ شىعىستا جانە باسقا دا ايماقتاردا قاقتىعىستار ۋشىعىپ تۇرعان كەزدە رۋحاني ليدەرلەردىڭ كەزدەسىپ, سۇحبات قۇرۋى ءوزارا تۇسىنىستىك پەن قۇرمەتكە نەگىزدەلگەن ديالوگتى دامىتۋعا ۇلكەن ۇلەس قوسادى. قازىرگى تاڭدا الەم ءۇشىن ءدىن كوشباسشىلارىنىڭ جاسامپاز ءرولى اسا قاجەت. وسى ورايدا بۇگىنگى كونفەرەنتسيا بارشا حالىقتىڭ يگىلىگى ءۇشىن جانە ورتاق سىن-قاتەرلەردى ەڭسەرۋ جولىندا شىنايى ىنتىماقتاستىقتى دارىپتەيدى. مۇنداي كەزدەسۋلەر كونفەسسياارالىق ديالوگتى نىعايتىپ, الەمدى الاڭداتىپ وتىرعان وزەكتى پروبلەمالاردى شەشۋدىڭ ءتيىمدى جولدارىن ىزدەۋگە ىقپال ەتەدى دەپ سەنەمىن» دەگەن سەنات توراعاسى قازاقستان دىنارالىق ديالوگتىڭ بەلسەندى قاتىسۋشىسى ەكەنىن دە ايتتى. قازان ايىندا استانادا وتكەن سەزد حاتشىلىعىنىڭ وتىرىسىندا قابىلدانعان سەزدى 2033 جىلعا دەيىنگى دامىتۋ تۇجىرىمداماسىنىڭ نەگىزگى تارماقتارىن دا تارقاتتى.
ء«بىزدىڭ سەزد الداعى جىلداردا ەڭ وزەكتى پروبلەمالاردى شەشۋ ءۇشىن ءدىن ليدەرلەرىنىڭ كۇش-جىگەرىن جانە رۋحاني ديپلوماتيانىڭ جاسامپاز الەۋەتىن ءتيىمدى پايدالانۋدى ماقسات تۇتىپ وتىر. الەمدىك رۋحاني كوشباسشىلار بىرلەسە وتىرىپ, ادامزات الدىندا تۇرعان ەكزيستەنتسيالدى تۇيتكىلدەردى شەشۋگە ايتارلىقتاي ۇلەس قوسا الادى. ونىڭ ىشىندە كليماتتىق سىن-قاتەرلەردى ەڭسەرۋ, كەدەيلىك پەن تەڭسىزدىكتى تومەندەتۋ, ەكسترەميزمگە قارسى كۇرەس, قاقتىعىستاردى توقتاتۋ سياقتى ماڭىزدى ماسەلەلەر بار», دەدى سەنات توراعاسى.
ماۋلەن اشىمباەۆ ساپار بارىسىندا ارىپتەسى – بىرىككەن اراب امىرلىكتەرى فەدەرالدى ۇلتتىق كەڭەسىنىڭ توراعاسى ساكر ءال-گوباشپەن, قاسيەتتى تاقتىڭ مەملەكەتتىك حاتشىسى كاردينال پەترو پارولينمەن, دۇنيەجۇزىلىك شىركەۋلەر كەڭەسىنىڭ باس حاتشىسى دجەرري پيللەيمەن كەزدەستى. ديدارلاسۋ ساتىندە 2023-2033 جىلدارعا ارنالعان الەمدىك جانە ءداستۇرلى دىندەر كوشباسشىلارى سەزىن دامىتۋ تۇجىرىمداماسىن تالقىلادى. سەنات توراعاسى دىنارالىق ديالوگتى دامىتۋ جانە ادامگەرشىلىك قۇندىلىقتاردى نىعايتۋ بويىنشا بىرلەسكەن كۇش-جىگەردى ءارى قاراي جانداندىرۋدىڭ ماڭىزى زور ەكەنىن ايتتى.
