ەڭ عاجابى, شالعاي ەلدى مەكەن تۇرعىندارىن جوعارى مەديتسينالىق تەحنولوگيامەن قامتاماسىز ەتۋدى, يننوۆاتسيالىق مەديتسينالىق كومەكتى جانداندىرۋدى ماقسات ەتكەن قايىرىمدىلىق جوباسى ارقىلى بەرىلگەن اپپاراتتار سىرقاتتىڭ سەبەبىن, كەسەلدىڭ ۋاقىتىن ءدال انىقتاۋعا مۇمكىندىك بەرەدى. ءموبيلدى ۋلترادىبىستىق اپپارات توسەك تارتىپ قالعان, ۇيدە, ماشينانىڭ ىشىندە جاتقان ناۋقاستىڭ حال-جايىن انىقتاۋعا كومەكتەسەدى. بۇرىن ۋلترادىبىستىق اپپاراتقا ءتۇسىرۋ ءۇشىن ناۋقاستى مىندەتتى تۇردە اۋرۋحاناعا اپاراتىن. ءوڭىر اكىمىنىڭ ءباسپاسوز قىزمەتىنىڭ مالىمەتىنشە, قايىرىمدىلىق اكتسياسىنىڭ باستاماشىلارى – «Philips Foundation» حالىقارالىق كوممەرتسيالىق ەمەس ۇيىمى مەن ء«سابي» قورى. سونىمەن قاتار دارىگەرلەردى يننوۆاتسيالىق جابدىقتارمەن جۇمىس ىستەۋگە ۇيرەتەتىن ءۇش كۇندىك وقىتۋ ۇيىمداستىرىلدى.
قايىرىمدىلىق باستاماسىن جۇزەگە اسىرۋ ءۇشىن ءموبيلدى قوسىمشانىڭ نەگىزىندە جۇمىس ىستەيتىن جانە پلانشەتكە نەمەسە سمارتفونعا قوسىلعان داتچيكتەر جيىنتىعى – ءپورتاتيۆتى ۋلترادىبىستىق جۇيە تاڭدالدى. بۇل يننوۆاتسيالىق شەشىم ستاتسيونارلىق ۋلترادىبىستىق جابدىقتى پايدالانۋ مۇمكىندىگى بولماعان كلينيكالىق جاعدايلاردا پاتسيەنتتەردىڭ ءحالىن جەدەل ۋلترادىبىستىق جاعىنان باعالاۋ ءۇشىن ارنايى ازىرلەنگەن. بۇل, ەڭ الدىمەن, ەمدەۋ مەكەمەلەرىنىڭ قابىرعاسىنان تىس جەردە, ياعني وقيعا ورنىنداعى قيىن جاعدايلاردا مەديتسينالىق كومەك كورسەتۋ كەزىندە قولدانىلادى. بۇل رەتتە ناۋقاستىڭ توسەگىندە, ۇيدە, جەدەل جاردەم كولىگىندە جانە توتەنشە جاعدايلاردا كومەك كورسەتىلۋى مۇمكىن.
دارىگەرلەر قايىرىمدىلىق جوباسى اياسىندا جوعارى تەحنولوگيالىق مەديتسينالىق جابدىقتى پايدالانۋ جونىندەگى ترەنينگتەردەن ءوتتى. مۇنان سوڭ ونى كلينيكالىق تاجىريبەسىندە جۇرەك-قان تامىرلارى اۋرۋلارى بار, ءىش قۇرىلىسىنىڭ سىرقاتى بار, وكپە اۋرۋلارى بار ناۋقاستارعا كومەك كورسەتۋ ءۇشىن, اكۋشەرلىك-گينەكولوگيالىق زەرتتەۋلەر جۇرگىزۋ ءۇشىن جانە وپەراتسيا بولمەسىندە, رەانيماتسيا بولىمىندە جانە قارقىندى تەراپيادا كلينيكالىق كۇردەلى پاتسيەنتتەرمەن جۇمىس ىستەۋدە قولدانادى.
– ءبىز يننوۆاتسيالار مەن الەۋمەتتىك ماڭىزدى باستامالاردى توعىستىرۋ ادامداردىڭ ءومىر ءسۇرۋ ساپاسىن ارتتىرۋعا ىقپال ەتەتىنىنە سەنەمىز. دارىگەرلەردىڭ قولدانىلۋىنا بەرىلگەن زاماناۋي ءپورتاتيۆتى ۋلترادىبىستىق جابدىق ءتىپتى مەديتسينالىق ۇيىمداردان تىس جەرلەردە دە اۋىر جاعدايداعى پاتسيەنتتەردىڭ جاعدايىن جەدەل ۋلترادىبىستىق باعالاۋعا مۇمكىندىك بەرەدى. دارىگەر-كلينيتسيستەردىڭ قولىنداعى «قالتالى «ۋلترادىبىس», بۇل مەديتسينالىق كومەك كورسەتۋدىڭ جاڭا حالىقارالىق ستاندارتتارى سانالادى, – دەدى ورتالىق ازيا, كاۆكاز جانە موڭعوليا ايماعىنداعى «Philips Healthcare» كومپانياسىنىڭ وڭىرلىك ديرەكتورى ولگا ۆولكوۆا.
ءوز كەزەگىندە ء«سابي» قايىرىمدىلىق قورىنىڭ پرەزيدەنتى اسەل تاسماعامبەتوۆا:
– ء«سابي» قورى ءوزىنىڭ وتاندىق اۋرۋحانالاردى يننوۆاتسيالىق جابدىقتارمەن جاراقتاندىرۋ باعىتىنداعى مەديتسينالىق باعدارلاماسىنىڭ ماقساتتارىنا تولىق سايكەس كەلەتىن وسىنداي ماڭىزدى جوباعا قولداۋ كورسەتتى. ءپورتاتيۆتى ۋلترادىبىستىق جۇيەلەردىڭ كومەگىمەن جەتىسۋ جانە الماتى وبلىستارىنىڭ دارىگەرلەرى ءاربىر دياگنوزعا سەنىمدى بولۋى ءۇشىن ناقتى ۆيزۋاليزاتسيا جۇرگىزە الادى. ۋاقتىلى دياگنوز قويۋ – ءتيىمدى ەمدەۋدىڭ كىلتى, – دەدى.
اتاپ وتسەك, قايىرىمدىلىق جوباسىنىڭ باستاماشىلارى بۇل ءىس-شارانىڭ ماقساتى شالعايداعى جانە جەتۋى قيىن وڭىرلەردەگى پاتسيەنتتەرگە جوعارى تەحنولوگيالىق مەديتسينالىق كومەكتىڭ قولجەتىمدىلىگىن ارتتىرۋ ەكەنىن باسا ايتادى. وسى باستامانىڭ كومەگىمەن جەتىسۋ مەن الماتى وبلىسىنىڭ 7 اۋرۋحاناسى 18 زاماناۋي مەديتسينالىق قۇرال-جابدىققا قول جەتكىزدى, ال 30 دارىگەر وقۋىن جالعاستىرىپ جاتىر.
جالپى, 9 ءموبيلدى ۋلترادىبىستىق جۇيە الاكول, پانفيلوۆ اۋداندارىنىڭ اۋداندىق اۋرۋحانالارىنا – 2-دەن, تەكەلى قالاسىندا – 3, سونداي-اق تالدىقورعان قالالىق جەدەل جاردەم ستانساسىنا 2 جابدىق بەرىلەدى. وسى مەديتسينالىق مەكەمەلەردىڭ 11 دارىگەرى وقىتۋدان وتەدى.
جەتىسۋ وبلىسى
