فوتو: اشىق دەرەككوز
«قاراعاندى وبلىسىنان كەلگەن قارالى حابار بارشامىزدىڭ قابىرعامىزدى قايىستىرىپ وتىر. كوستەنكو شاحتاسىندا قازا بولعان كەنشىلەردىڭ جاقىندارى مەن تۋىستارىنىڭ قايعىسىنا ورتاقتاسىپ, كوڭىل ايتامىن. زارداپ شەككەندەردىڭ تەزىرەك ساۋىعىپ, ۇيلەرىنە ورالۋىن تىلەيمىن», دەپ جازدى ەرلان قوشانوۆ.
ءماجىلىس توراعاسى Facebook پاراقشاسىندا اتالعان ماسەلە مەملەكەت باسشىسىنىڭ ەرەكشە باقىلاۋىندا ەكەنىن جانە پرەزيدەنت ۇكىمەتكە شۇعىل تاپسىرما بەرگەنىن جازدى. كەنشىلەردىڭ وتباسىلارىنا بارلىق كومەك كورسەتىلەدى. وقيعانىڭ ءمان-جايىن انىقتاۋ ءۇشىن ۇكىمەتتىك كوميسسيا قۇرىلىپ, جۇمىسىن باستادى. شاحتادا بولعان توتەنشە جاعدايعا قاتىستى باس پروكۋراتۋرا قىلمىستىق ءىس قوزعادى, وقيعا ورنىندا ءماجىلىس دەپۋتاتتارى دا ءجۇر.
«مەملەكەت باسشىسى ۇكىمەتكە «ارسەللور ميتتال تەمىرتاۋ» كومپانياسىمەن ينۆەستيتسيالىق ىنتىماقتاستىقتى توقتاتۋدى تاپسىردى. بۇل ماسەلە بۇعان دەيىن دە تالاي رەت كوتەرىلگەن بولاتىن. كومپانياعا تيەسىلى كەن ورىندارىندا مۇنداي قايعىلى وقيعالار جيىلەپ كەتتى. ارينە, بۇل ەڭ الدىمەن وسى كومپانيانىڭ جاۋاپكەرشىلىگىندە ەكەنى ءسوزسىز. سوندىقتان پرەزيدەنتتىڭ اتالعان تاپسىرماسىن دەپۋتاتتار بىردەن-ءبىر دۇرىس شەشىم دەپ تولىق قولداپ وتىر. مەملەكەتىمىز ءۇشىن ەش نارسە ادام ءومىرى مەن دەنساۋلىعىنان ارتىق ەمەس. ەلدەگى بارلىق ينۆەستورلار مەن ءوندىرىس كومپانيالارى وسى ۇستانىمدى باسشىلىققا الۋعا ءتيىس», دەدى ءماجىلىس توراعاسى ەرلان قوشانوۆ.
