فوتو: Air Astana
«بۇگىن ساعات 08:00-دە Air Astana ۇشاعى الماتىدان تەل-اۆيۆكە ۇشتى. ۇشاق الماتىعا جەرگىلىكتى ۋاقىت بويىنشا شامامەن 23:45-تە قايتا كەلەدى», دەلىنگەن حابارلامادا.
ەستەرىڭىزگە سالا كەتەيىك, پالەستينالىق حاماس توبى سەنبى كۇنى يزرايلگە شابۋىل جاسادى. سالدارىنان يزرايل سوعىس جاعدايىنا ەنگەنىن حابارلادى. سونداي-اق بىرقاتار مەملەكەت يزرايلدەن ازاماتتارىن ەۆاكۋاتسيالاۋدى ۇيىمداستىرۋعا اسىعىپ جاتىر.
يزرايل ارمياسىنىڭ وكىلى دۇيسەنبى كۇنى تاڭەرتەڭ يزرايل بارلىق ەلدى مەكەندەردى باقىلاپ وتىرعانىن جانە يزرايلدە قازىرگى ۋاقىتتا ەشقانداي شايقاس جوق ەكەنىن ايتتى. سونىمەن بىرگە ول يزرايل اۋماعىندا ءالى دە حاماس سودىرلارى بار ەكەنىن مويىندادى.
جاقىندا حاماستىڭ تەل-اۆيۆ اۋەجايىن زىمىرانمەن اتقانى بەلگىلى بولدى. سونىمەن قاتار يزرايل قورعانىس ءمينيسترى يواۆ گاللانت گازا سەكتورىن تولىق قورشاۋعا العانىن, وندا ەلەكتر قۋاتى, ازىق-ت ۇلىك جانە جانار-جاعارماي جوق ەكەنىن مالىمدەدى.
قازاقستان سىرتقى ىستەر مينيسترلىگىنىڭ رەسمي وكىلى ايبەك سمادياروۆ مينيسترلىك مەسسەندجەردە جەدەل شتاب پەن ارنايى چات قۇرعانىن, ونىڭ قۇرامىنا يزرايلدە ۋاقىتشا جانە تۇراقتى تۇراتىن 200-گە جۋىق قازاقستان ازاماتى كىرگەنىن ايتتى.
قازاقستان رەسپۋبليكاسى سىرتقى ىستەر مينيسترلىگىنىڭ مالىمەتىنشە, گازا سەكتورىندا 25-كە جۋىق قازاق وتباسى بار.
