فوتو: Polisia.kz
پوليتسيا قىزمەتكەرلەرى عيمارات پەن ونىڭ ىرگەلەس اۋماعىنا تولىعىمەن ءتىنتۋ جۇمىستارىن جۇرگىزگەنىمەن ەشقانداي جارىلعىش زات تابىلعان جوق.
تەكسەرۋ بارىسىندا ءتارتىپ ساقشىلارى قوڭىراۋ شالىنعان ابونەنتتىك ءنومىردىڭ يەسىن انىقتاعان. اتالعان مەكەمە قىزمەتكەرى ايەل ادام تەلەفونىن پالاتالاردىڭ بىرىندەگى ۇستەلدە قالدىرىپ كەتكەنىن ايتقان. مۇنى پايدالانعان ءجاسوسپىرىم بومبا تۋرالى حابارلاعان. قازىرگى ۋاقىتتا سوتقا دەيىنگى تەرگەۋ جۇمىستارى جۇرگىزىلىپ جاتىر.
تەرروريزم اكتىسى تۋرالى كورىنەۋ جالعان حابارلاۋ – قوعامدىق تارتىپكە قول سۇعاتىن قاۋىپتى قىلمىس. ونداي وسپادار ارەكەت ءۇشىن قىلمىستىق كودەكستىڭ 273-بابى بويىنشا 5000 اەك-كە دەيىنگى مولشەردە ايىپپۇل تولەۋ نە بولماسا تۇزەۋ جۇمىستارىنا تارتۋ, ياكي 5 جىلعا دەيىن باس بوستاندىعىنان شەكتەۋ نەمەسە باس بوستاندىعىنان ايىرۋ سەكىلدى جازا تۇرلەرى كوزدەلگەن.
اتالعان قىلمىس ءتۇرى ءۇشىن قىلمىستىق جاۋاپكەرشىلىك 14 جاستان باستالادى. سونىمەن قاتار سوت شەشىمى نەگىزىندە شىعىندار جانە جالعان حابارلاما سالدارىنان بولعان بارلىق زالال وتەلۋ ساناتىنا جاتادى. ەگەر ونى كامەلەتكە تولماعان بالا جاساعان جاعدايدا زالالدى وتەۋ ونىڭ اتا-اناسىنا نەمەسە زاڭدى وكىلدەرىنە جۇكتەلەدى.
