فوتو: اشىق دەرەككوز
«قازگيدرومەت» رمك مالىمەتىنشە, الداعى كۇندەرى رەسپۋبليكانىڭ باسىم بولىگىندە تۇراقسىز اۋا رايى ساقتالادى.
سينوپتيكتەردىڭ بولجاۋىنشا, ەلىمىزدىڭ وڭتۇستىك-شىعىسىنداعى تاۋلى ايماقتاردا نايزاعاي ويناپ, بۇرشاق جاۋادى, سونداي-اق جاڭبىر مەن كوكتايعاق كۇتىلەدى.
«20-21 قىركۇيەكتە باتىس انتيتسيكلونىنىڭ ەكپىنى قازاقستاننىڭ باتىسى مەن سولتۇستىك-باتىسىنا جاۋىن-شاشىنسىز اشىق اۋا رايىن اكەلەدى, تۇندە جانە تاڭەرتەڭ رەسپۋبليكانىڭ باتىسىندا, سولتۇستىگىندە جانە ورتالىعىندا تۇمان تۇسەدى», دەپ حابارلادى «قازگيدرومەت» رمك.
رەسپۋبليكانىڭ باتىس وبلىستارىندا اۋا تەمپەراتۋراسى تۇندە 5-18 گرادۋس جىلى, كۇندىز 18-28 گرادۋستان 20-31 گرادۋسقا دەيىن كوتەرىلەدى.
رەسپۋبليكانىڭ سولتۇستىك-باتىسىندا جانە سولتۇستىگىندە اۋا تەمپەراتۋراسى تۇندە 3-11 گرادۋسقا دەيىن تومەندەيدى, كۇندىز 13-25 گرادۋسقا دەيىن كوتەرىلەدى, سونداي-اق توپىراق بەتىندە 1 گرادۋس اياز تۇسەدى.
ورتالىقتا تۇندە 2-10 گرادۋسقا دەيىن تومەندەيدى, كۇندىز نەگىزگى فون 13-21 گرادۋس جىلى بولادى, شىعىستا تۇندە 3-11 گرادۋس, كۇندىز اۋا تەمپەراتۋراسى 10-18 گرادۋس جىلىنى كورسەتىپ تۇر. وڭتۇستىكتە جانە وڭتۇستىك-شىعىستا اۋا تەمپەراتۋراسى تۇندە 8-13 گرادۋس, تاۋلى ايماقتاردا 2-3 گرادۋس اياز, كۇندىز 15-25 گرادۋس, تاۋلى ايماقتاردا 5-10 گرادۋسقا دەيىن تومەندەيدى.
