فوتو: qazaq1913.com
ء«بىز بۇعان دەيىن ۋادە بەرگەنىمىزدەي, ۇكىمەت ەڭ تومەنگى جالاقى مولشەرىن بىرتىندەپ وسىرە بەرەدى. ازاماتتاردىڭ تابىسىن ارتتىرۋ ءۇشىن 2024 جىلدىڭ 1 قاڭتارىنان باستاپ ەڭ تومەنگى جالاقى مولشەرىن 85 مىڭ تەڭگەگە كوتەرۋدى تاپسىرامىن. وسىلايشا, ءبىز ەڭبەكاقىنىڭ ەڭ تومەنگى مولشەرىن ءۇش جىل ىشىندە ەكى ەسە كوبەيتتىك. بۇل شارا 1 ميلليون 800 مىڭ ادامنىڭ, ونىڭ ىشىندە بيۋدجەت سالاسىندا ەڭبەك ەتەتىن 350 مىڭ ازاماتتىڭ ءال-اۋقاتىن ارتتىرۋعا سەپتىگىن تيگىزەدى», دەدى قاسىم-جومارت كەمەل ۇلى.
پرەزيدەنت ەلدە ەڭبەك نارىعىن جان-جاقتى دامىتۋ ءۇشىن ۇكىمەت قىسقا مەرزىمدە 2030 جىلعا دەيىنگى كەشەندى جوسپاردى بەكىتۋى كەرەك ەكەنىن ايتتى.
«جاڭا ەكونوميكالىق ساياساتتىڭ قاعيدالارى مەن باسىمدىقتارىن ناقتى ايقىنداۋمەن قاتار, الداعى رەفورمالاردى ساپالى ءارى تولىق جۇزەگە اسىرۋ وتە ماڭىزدى. ونىڭ تابىستى بولۋى مەملەكەتتىك قىزمەتشىلەردىڭ بىلىكتىلىگىنە, جاۋاپكەرشىلىگىنە جانە ساياسي ەرىك-جىگەرىنە تىكەلەي بايلانىستى», دەدى مەملەكەت باسشىسى.
