2023 جىلدىڭ 1 شىلدەسىندەگى جاعداي بويىنشا KASE ساۋدا تىزىمدەرىندە 224 ەميتەنتتىڭ 602 اتاۋىنداعى مەملەكەتتىك ەمەس باعالى قاعازدار بار. باعالى قاعازداردىڭ ورتالىق دەپوزيتاريىندە جەكە تۇلعالاردىڭ 682 مىڭ جەكە شوتى تىركەلگەن.
«جىل باسىنان بەرى اكتسيالار نارىعىنىڭ كاپيتالداندىرىلۋى 8%-عا نەمەسە 1,7 ترلن تەڭگەگە, جالپى 22,9 ترلن تەڭگەگە (50,3 ملرد دوللار) دەيىن ءوستى. بۇل رەتتە 2023 جىلدىڭ ەكىنشى توقسانىنىڭ قورىتىندىسى بويىنشا اكتسيالار نارىعىنىڭ كاپيتالداندىرىلۋى 6%-عا نەمەسە 1,3 ترلن تەڭگەگە كوبەيدى. 2023 جىلدىڭ ەكىنشى توقسانىندا ەميتەنتتىڭ باستاماسىمەن KASE رەسمي تىزىمىنەن «وسكەمەن قۇس فابريكاسى» اق-نىڭ قاراپايىم اكتسيالارى الىنىپ تاستالدى», دەلىنگەن بيرجا اقپاراتىندا.
KASE-دەگى ساۋدا-ساتتىقتىڭ ەڭ كوپ كولەمى «قازمۇنايگاز» ۇك» اق جاي اكتسيالارىنا تيەسىلى بولدى – 98,3 ملرد تەڭگە (يندەكستىك اكتسيالارمەن ساۋدا-ساتتىقتىڭ جالپى كولەمىنىڭ 79,8%-ى). ۇلتتىق كومپانيانىڭ اكتسيالارى جارتىجىلدىقتىڭ قورىتىندىسى بويىنشا 10 097,99 تەڭگەگە جەتكەن, بۇل وتكەن جىلدىڭ جەلتوقساندا ورنالاستىرۋ باعاسىنان 20,1%-عا جوعارى. جارتى جىلدى 2,8%-عا تومەندەۋمەن جاباتىن جالعىز يندەكستىك كومپانيا «Kegoc» اق بولدى.
KASE-دە يندەكستىك سەبەتتىڭ توعىز وكىلىنىڭ سەگىزى جاسىل ايماقتا جابىلدى. بۇل رەتتە وتاندىق نارىقتا الەمدىك ترەندتەرمەن سالىستىرعاندا قارجى سەكتورىنىڭ اكتسيالارى ليدەرگە اينالدى: «قازاقستان حالىق جيناق بانكى» اق جاي اكتسيالارى ءبىرىنشى جارتىجىلدىقتىڭ قورىتىندىسى بويىنشا اكتسيونەرلەرگە قۇن ءوسىمىنىڭ 29,7 %-ى, سونداي-اق 15,5%-ى مولشەرىندە ديۆيدەندتىك كىرىستىلىكتى اكەلدى. قۇنى 14,8%, سونداي-اق ديۆيدەندتىك كىرىستىلىگى 4,6%-عا وسۋىمەن ەكىنشى ورىندا «قازترانسويل» اق جاي اكتسيالارى تۇر. ۇشتىكتى Kaspi.kz تۇيىندەدى. ونىڭ جاي اكتسيالارى جارتى جىلدا 12,7%-عا ءوسىپ, 2022 جىلدىڭ اقپاننىڭ دەڭگەيىنە دەيىن قالپىنا كەلگەن. كومپانيا ءبىر جىل جانە ءبىرىنشى توقسان ءۇشىن مىقتى قارجىلىق ەسەپتەردى جاريالادى, جاھاندىق دەپوزيتارلىق قولحاتتاردى كەرى ساتىپ الۋ باعدارلاماسىن جالعاستىرۋدا, سونداي-اق اقش-تا ليستينگكە دايىندىقتىڭ باستالعانىن جاريالادى. ءبىرىنشى توقساننىڭ قورىتىندىسى بويىنشا Kaspi.kz اق اكتسياعا 750 تەڭگە كولەمىندە ديۆيدەندتەر تولەگەن.
«كسەلل» اق جانە «قازاقتەلەكوم» اق تەلەكوممۋنيكاتسيالىق وپەراتورلارىنىڭ اكتسيالارى تيىسىنشە 10,1% جانە 8,6%-عا ءوسىپتى. ەكى كومپانيا 2022 جىلدى جانە 2023 جىلدىڭ ءبىرىنشى توقسانىن مىقتى قارجىلىق دەرەكتەرمەن اياقتادى, بىراق ديۆيدەند تولەۋدەن باس تارتتى. بۇل رەتتە «قازاقتەلەكوم» اق وسى جىلدىڭ كۇزىندە ديۆيدەندتەر تولەۋدى ءالى دە ماقۇلداي الادى.
ال باتىس قور الاڭدارى 2023 جىلدىڭ ءبىرىنشى جارتىجىلدىعىن تالداۋشىلاردىڭ كوپشىلىك بولجامدارىنا قاراماستان ايتارلىقتاي وسىممەن اياقتادى: SP 500 – 16,36%-عا, Nasdaq – 32,74%-عا, Dow Jones 3,84%-عا ءوستى. قور نارىعىنىڭ ءوسۋ ءۇردىسى باستاپقىدا IT سەكتورى كومپانيالارىنىڭ اكتسيالارى ەسەبىنەن قالىپتاسقان. بىراق ەكىنشى توقساندا ءوسۋ باسقا سەكتورلارعا تارالدى جانە جارتىجىلدىق قورىتىندىسى بويىنشا جاسىل ايماقتا ەكونوميكانىڭ 11 سەكتورىنىڭ جەتەۋى جابىلىپتى.
ادەپكى التى اي قورىتىندىسى بويىنشا KASE-دە ساۋدالاناتىن كورپوراتيۆتىك قارىز كولەمى 9,2%-عا نەمەسە 1,3 ترلن تەڭگەگە, جالپى 13,1 ترلن تەڭگەگە (28,9 ملرد دوللار) دەيىن تومەندەدى. بۇل رەتتە كورپوراتيۆتىك قارىز كولەمى 2023 جىلدىڭ ەكىنشى توقسانىندا 1,3%-عا نەمەسە 172,2 ملرد تەڭگەگە ازايعان. كورپوراتيۆتىك وبليگاتسيا شىعارىلىمىن جاساعان ەميتەنتتەر قاتارىندا «مقۇ ونلاينكازفينانس» اق, «بانك «Bank RBK» اق, «KMF» ميكروقارجى ۇيىمى» جشس, «R-Finance» ميكروقارجى ۇيىمى» جشس, «اركادا ينداستري» جشس, «Finaccord Limited», «قازمۇنايگاز», «قازاقستان تەمىر جولى», «مقۇ «Express Finance Group» جشس, «فورپوست» جشس, «ماگيسترالنىي ۆودوۆود» جشس, «مقۇ «TAS finance group» جشس, «كا «ID Collect» جشس ۇيىمدارى بار.
كورپوراتيۆتىك وبليگاتسيالاردىڭ باستاپقى نارىعىنداعى ينۆەستورلاردىڭ نەگىزگى ساناتتارى بولىنىسىندە بانكتەردىڭ ۇلەسى – 18,4%, بروكەرلىك-ديلەرلىك ۇيىمداردىڭ ۇلەسى – 1,4%, باسقا ينستيتۋتسيونالدىق ينۆەستورلاردىڭ ۇلەسى – 37,8%, وزگە زاڭدى تۇلعالاردىڭ ۇلەسى – 37,8% جانە جەكە تۇلعالاردىڭ ۇلەسى – 4,6%. كورپوراتيۆتىك وبليگاتسيالاردىڭ باستاپقى نارىعىنداعى بەيرەزيدەنتتەردىڭ ۇلەسى 13,6%-دى قۇرادى.
سونىمەن قاتار ەسەپتى كەزەڭنىڭ سوڭىندا KASE ساۋدا-ساتتىق تىزىمدەرىندە بەس حالىقارالىق قارجى ۇيىمىنىڭ 53 وبليگاتسياسى شىعارىلدى. ولار – ازيا دامۋ بانكى (11 شىعارىلىم), ەۋرازيالىق دامۋ بانكى (25 شىعارىلىم), ەۋروپالىق قايتا قۇرۋ جانە دامۋ بانكى (14 شىعارىلىم), حالىقارالىق قارجى كورپوراتسياسى (2 شىعارىلىم) جانە جەكە سەكتوردى دامىتۋ جونىندەگى يسلام كورپوراتسياسى (1 شىعارىلىم). ازيا دامۋ بانكى جىلدىق 14,10 وتەۋگە كىرىستىلىگى بار جانە وتەۋ مەرزىمى 7,6 جىلعا دەيىنگى حالىقارالىق الەۋمەتتىك وبليگاتسيالاردى ورنالاستىرىپ, 13,3 ملرد تەڭگە تارتسا, ICD Eagle Limited جىلدىق 14,95% مەرزىمدىك تولەم مولشەرلەمەسىمەن بەس جىلدىق تراست سەرتيفيكاتتارىن ورنالاستىرىپ, 2 ملرد تەڭگە تارتتى.
ينۆەستورلاردىڭ نەگىزگى ساناتتارى بولىنىسىندە 2023 جىلدىڭ ءبىرىنشى جارتىجىلدىعىندا ەكىنشى دەڭگەيلى بانكتەردىڭ باستاپقى نارىقتاعى ۇلەسى 27,9%-دى, بروكەرلىك-ديلەرلىك ۇيىمداردىڭ ۇلەسى 6,7%-دى, باسقا ينستيتۋتسيونالدىق ينۆەستورلاردىڭ ۇلەسى 37,8%-دى, وزگە زاڭدى تۇلعالاردىڭ ۇلەسى 27,1%-دى, جەكە تۇلعالاردىڭ ۇلەسى 0,5%-دى قۇرادى. بەيرەزيدەنتتەردىڭ ۇلەسى 0,1%-دان كەم بولدى.
