قاراعاندى وبلىسىنداعى مۇمكىندىگى شەكتەۋلى بالالارعا ارناۋلى الەۋمەتتىك قىزمەت كورسەتۋ ورتالىعىندا جاپپاي ۋلانۋ فاكتىسى تىركەلدى. سالدارىنان ءبىر بالا قايتىس بولىپ, تاعى التاۋى جانساقتاۋ بولىمىندە جاتىر.
اۋرۋحاناعا بارلىعى 12 بالا جەتكىزىلگەن. ولاردىڭ جاعدايىن دارىگەرلەر اسا اۋىر دەپ باعالاپ وتىر. جانساقتاۋ بولىمىندە جاتقانداردىڭ بارلىعى وكپەنى جاساندى جەلدەتۋ اپپاراتىنا قوسىلعان.
بالالاردىڭ ءحالىن ءبىلۋ ءۇشىن وبلىس اكىمى ەرماعانبەت بولەكپاەۆ اۋرۋحاناعا باردى. دەنساۋلىق ساقتاۋ باسقارماسىنىڭ باسشىلىعىمەن جانە ەمدەۋشى دارىگەرلەرمەن جەدەل كەڭەس وتكىزدى. وقيعانىڭ سەبەپتەرىن انىقتاۋ ءۇشىن ارنايى كوميسسيا قۇرىلدى.
رەسمي مالىمەتكە سايكەس, بۇل فاكتى بويىنشا قىلمىستىق ءىس قوزعالىپ, قاراعاندى وبلىسىنىڭ ارنايى پروكۋرورلار باسقارماسىنا بەرىلدى. ارنايى مەكەمە ديرەكتورىنىڭ مىندەتىن اتقارۋشى قىزمەتىنەن بوساتىلدى.
