بۇل تۋرالى سىبايلاس جەمقورلىققا قارسى اگەنتتىك پەن ءبىلىم بەرۋ سالاسىندا ساپانى قامتاماسىز ەتۋ دەپارتامەنتى جۇرگىزگەن تەكسەرىس ناتيجەسىندە بەلگىلى بولدى. تاعى 53 مۇعالىمگە ارنايى تەستىلەۋدەن وتە الماسا دا ءوتتى دەگەن جالعان انىقتاما بەرىلگەن.
زاڭسىز ارەكەتكە بارعان پەداگوگتار مەملەكەتكە 100 ميلليون تەڭگەدەن اسا قارجىنى قايتارۋى ءتيىس. ولارعا جاساندى قۇجات بەرگەن مەكەمەلەر دە تەكسەرىلەدى.
«قاعاز تۇرىندە الىپ كەلگەن سەرتيفيكاتتارى مەن بازاداعى بالل سايكەس كەلمەيتىنى انىقتالىپ وتىر. ولاردىڭ ايىرماشىلىعى ءتىپتى وننان 35 باللعا دەيىن بارىپ وتىر. ولار زاڭبۇزۋشىلىققا بارىپ وتىر عوي, بۇل رەتتە ولاردىڭ ساناتى پەداگوگقا دەيىن تۇسەدى جانە بەس جىلعا دەيىن اتتەستاتتاۋدان وتە المايدى», دەدى وبلىستىق ءبىلىم بەرۋ سالاسىندا ساپانى قامتاماسىز ەتۋ دەپارتامەنتىنىڭ باسشىسى گۇلنارا سارسەنعاليەۆا.
