مەملەكەت باسشىسى باسەكە دەڭگەيى جوعارى جانە قۇبىلمالى قازىرگى الەمدە قالالاردىڭ قارقىندى ءارى ورنىقتى دامۋى وتە ماڭىزدى ەكەنىن ايتتى.
«ينۆەستيتسيالاردى, يننوۆاتسيالىق تەحنولوگيالاردى, ەڭ باستىسى, ادامي كاپيتالدى تارتا وتىرىپ, قالالار وراسان زور كۇش شوعىرلاناتىن ورتاعا اينالادى. ادامدار جانە ولاردىڭ شىعارماشىلىق قۋاتى, بىرەگەي ءبىلىمى, كرەاتيۆتى يدەياسى مەن وتانشىلدىق رۋحى – ۇلت جەتىستىگىنىڭ نەگىزگى فاكتورى. سوندىقتان قالالاردى ءتيىمدى باسقارۋ جانە ۋربانيستيكاداعى جاڭا ۇردىستەردى جۇيەلى زەردەلەۋ قاجەت. بۇل ماسەلە بولاشاققا ۇمتىلعان ءار مەملەكەت ءۇشىن ستراتەگيالىق ماڭىزعا يە بولا باستادى», دەدى مەملەكەت باسشىسى.
