ەلىمىزدىڭ تاريحي استاناسى سانالاتىن كيەلى تۇركىستاندا ۇلتتىق قۇرىلتايدىڭ كەزەكتى وتىرىسى باستالادى. العاشقى قۇرىلتاي ءيسى قازاقتىڭ التىن بەسىگى اتانعان ۇلىتاۋدا وتكەن بولاتىن.
قۇرىلتاي دەگەن ءسوز قازاققا بوتەن ەمەس. قازاق قازاق بولعالى, ەلدىڭ, جەردىڭ وزگە دە كەلەلى ماسەلەلەردى شەشۋ ءۇشىن ءۇش ءجۇزدىڭ باسىن قوسقان القالى جيىن – قۇرىلتاي ءوتىپ تۇرعان.
بىلتىر پرەزيدەنت قاسىم-جومارت توقاەۆتىڭ باستاماسىمەن ۇلتتىق قوعامدىق سەنىم كەڭەسى تاراتىلىپ, ونىڭ ورنىنا ۇلتتىق قۇرىلتاي قۇرىلعان ەدى. كيەلى تۇركىستان جەرىندە وتەتىن قۇرىلتايدىڭ ەكىنشى جيىنىندا قارالاتىن, تالقىعا سالىناتىن دۇنيە كوپ. ەڭ باستىسى, مەملەكەتتىڭ دامۋى, ەلدىڭ تۇتاستىعى, جەردىڭ بۇتىندىگى ءسوز بولارى انىق. ويتكەنى قازىرگى حالىقارالىق ساياسات ۋشىعىپ تۇرعان كەزدە اينالامىزدا بولىپ جاتقان وقيعالاردى ساراپتاپ, سوعان ساي ءوزىمىزدىڭ باعىت-باعدارىمىزدى تارازىلاپ وتىرعاننان ۇتىلمايمىز. قۇرىلتايعا قوعام بەلسەندىسى, پارتيانىڭ باسشىسى رەتىندە شاقىرىلىپ وتىرمىن. رەتى كەلسە, قۇرىلتايدا ءبىز دە ءوز ويىمىزدى ايتىپ, ۇسىنىسىمىزدى ورتاعا سالامىز.
ازاماتحان ءامىرتاي,
ۇلتتىق قۇرىلتاي مۇشەسى
