استانادا «ەكونوميكانىڭ تسيفرلىق ترانسفورماتسياسى» تاقىرىبىندا وتكەن شەتەلدىك ينۆەستورلار كەڭەسى بارىسىندا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى وتاندىق ءىت-كومپانيالاردىڭ كورمەسىن ۇيىمداستىردى.
– تسيفرلىق حاب رەتىندە ءبىزدىڭ وڭىرگە دەگەن قىزىعۋشىلىق كۇن سايىن ارتىپ كەلەدى. بىرنەشە جىلدان بەرى حالىقارالىق نارىققا شىققان وتاندىق ستارتاپتار باسەكەلەستىك ورتادا قارقىندى دامىپ جاتىر. شەتەلدىك ينۆەستورلاردىڭ نازارىنا ۇسىنىلعان ءىت-كومپانيالاردىڭ دا ەكسپورتتىق الەۋەتى جوعارى, – دەيدى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين.
ءىس-شارادا جەرگىلىكتى IT-كومپانيالار مەن مەملەكەتتىك ورگانداردىڭ 49 يننوۆاتسيالىق شەشىمى ۇسىنىلدى.
– «Astana Hub» سەگىز ءىت-ستارتاپتى ۇسىندى. ولار – جاساندى ينتەللەكت, EdTech, كيبەرقاۋىپسىزدىك, بيزنەس-ۇدەرىستەردى وڭتايلاندىرۋ/اۆتوماتتاندىرۋ سالاسىنداعى كەلەشەگى زور جوبالار. كەيبىرى حالىقارالىق نارىققا شىعىپ تا ۇلگەردى, – دەيدى «Astana Hub» باسقارۋشى ديرەكتورى الينا ءابدىراحمانوۆا.
ونىڭ ايتۋىنشا, ەلىمىزدىڭ ستارتاپ يندۋسترياسى وكىلدەرىنىڭ شەتەلدىك ينۆەستورلار كەڭەسىنىڭ مۇشەلەرىمەن كەزدەسۋى جاھاندىق كومپانيالارمەن سەرىكتەستىك جانە ىنتىماقتاستىق ورناتىپ, وتاندىق ەكوجۇيەنى دامىتۋعا بەرىلگەن ۇلكەن مۇمكىندىك.
– ءبىزدىڭ ستارتاپ مۇناي كەن ورىندارىن يگەرۋ بويىنشا ۆەب-سيمۋلياتور مۇناي بارلاۋ كوەففيتسيەنتىن ءتيىمدى باسقارۋعا ءارى ۇلعايتۋعا, كەن ورنىن يگەرۋ شىعىندارىن 40 پايىزعا دەيىن قىسقارتىپ, كۇندەلىكتى ءوندىرۋدى 70 پايىزعا ارتتىرۋعا مۇمكىندىك بەرەدى. ماقساتىمىز – سالانى تۇسىنەتىن smart ينۆەستورلار تابۋ جانە 1,3 ميلليون دوللار كولەمىندە ينۆەستيتسيا تارتۋ, – دەيدى «Neuron Oil»-دىڭ نەگىزىن قالاۋشى اسىلان جۇماعاليەۆ.
ايتا كەتسەك, ماشينالىق وقىتۋى بار كروسس-ساندىق مودەلدەۋدىڭ جاڭا تاسىلدەرىنىڭ مۇنداي ۇيلەسىمىن بۇكىل الەم بويىنشا شامامەن 3-4 جاس كومپانيا عانا جۇرگىزەدى. سونىڭ ىشىندە اقش-تا (كرەمني القابىندا), فرانتسيادا, ءباا-دە بار. تمد ەلدەرى اراسىندا «Neuron Oil» جاڭا تاسىلدەر مەن وتە جوعارى پراكتيكالىق ناتيجەلەردى قولدانۋ بويىنشا كوشباسشى سانالادى.
