ەلىمىزدىڭ بارلىق وڭىرىنەن كەلگەن كوماندالار اراسىنداعى كەزدەسۋلەر تارتىستى ءوتتى. سپارتاكيادادا توپ جارۋدى ماقسات تۇتقان قۇرامالار جەڭىستىڭ بيىك تۇعىرىنان كورىنۋ ءۇشىن بارىن سالدى.
جامبىلدىق ۆولەيبولشىلار مەن سولتۇستىك قازاقستان وبلىسىنىڭ كوماندالارى اراسىندا وتكەن جارتىلاي فينالدىق كەزدەسۋ شيەلەنىسكەن جاعدايدا ءوربىدى. ءبىرىنشى سەتتە اۋليەاتالىقتار ەكى دوپ ايىرماسىمەن باسىمدىق تانىتقاننان كەيىن ەكىنشى جانە ءۇشىنشى كەزەڭدە قوناقتار جەڭىستى ج ۇلىپ العان. ويىننىڭ ءتورتىنشى سەتى تارتىسقا تولى بولدى. قاي كوماندانىڭ باسىم تۇسەتىنى سوڭعى ساتكە دەيىن بەيمالىم ەدى. الايدا ءوز الاڭىندا بارىن سالعان جامبىلدىقتار سوڭعى ەكى ۇپايدى قاتار يەلەنىپ, 38:36 ەسەبىمەن جەڭىسكە جەتتى. ال شەشۋشى پارتيادا 15:12 ەسەبىمەن باسىمدىق تانىتقان اۋليەاتالىق ۇجىم بار كۇشىن سارقا جۇمساپ, فينالعا جولداما الدى.
جارتىلاي فينالدا ەڭ قيىن كەزدەسۋىن وتكىزگەن جامبىل وبلىسىنىڭ قۇراماسى اقىرى سپارتاكيادا جەڭىمپازى اتاندى. ولار سوڭعى كەزدەسۋدە پاۆلودار وبلىسىنىڭ جىگىتتەرىنەن ايلاسىن اسىردى. تۇركىستان وبلىسىنىڭ جىگىتتەرى ۇزدىك ۇشتىكتى تۇيىندەدى.
قىزدار اراسىندا وتكەن باسەكەدە قاراعاندى وبلىسىنىڭ بۇرىمدىلارى قارسىلاس شاق كەلتىرمەسە, سولتۇستىك قازاقستان وبلىسىنىڭ ارۋلارى ەكىنشى ورىندى, شىعىس قازاقستان وبلىسىنىڭ قىزدارى ءۇشىنشى ورىندى يەلەندى.
سپارتاكيادادا سۋ دوبىنان وتكەن ەرلەر مەن ايەلدەر باسەكەسىندە ايتارلىقتاي سەنساتسيا تىركەلگەن جوق. ارۋلار باسەكەسىندە ۇلتتىق قۇرامانىڭ نەگىزىن قۇرايتىن «ايشا ءبيبىنىڭ» ارۋلارى فاۆوريت سانالسا, ەرلەر باسەكەسىندە ماماندار الماتىلىقتاردىڭ توپ جارۋ مۇمكىندىگى جوعارى ەكەنىن ءاۋ باستا بولجاپ قويعان.
سۋ دوبى شەبەرلەرى دوداسىنا ايتارلىقتاي كوپ كوماندا قاتىسقان جوق. ەرلەر اراسىنداعى باسەكەدە بار بولعانى التى كوماندا كىم مىقتىنى انىقتاسا, قىزدار اراسىنداعى سىندا بەس كوماندا توپقا ءتۇستى.
سپارتاكيادا قورىتىندىسىندا ەرلەر اراسىنداعى جارىستا الماتىلىقتار قارسىلاستارىنىڭ بارلىعىنان ايلاسىن اسىرىپ, چەمپيون اتانسا, جامبىل وبلىسىنىڭ كومانداسى كۇمىس جۇلدەگەر اتاندى. ال قاراعاندىلىقتار ۇزدىك ۇشتىكتى تۇيىندەدى.
ايەلدەر اراسىنداعى سىندا جامبىل وبلىسىنىڭ كومانداسى قارسىلاستارىنىڭ بارلىعىنان باسىم ءتۇسىپ, كەزەكتى مارتە وزدەرىنىڭ شىن مىقتى ەكەنىن دالەلدەسە, الماتىلىقتار كۇمىس, ەلوردالىقتار قولا جۇلدەنى يەلەندى.
سونداي-اق سپارتاكيادا اياسىندا وتكەن دزيۋدوشىلار باسەكەسىندە دە ءوز سالماقتارىنىڭ ۇزدىكتەرى انىقتالدى.
جامبىل وبلىسى
