حالىقارالىق بالالاردى قورعاۋ كۇنىن مەرەكەلەۋ اياسىندا استانادا «بالالاردىڭ يگىلىگى ۇشىن» رەسپۋبليكالىق اكتسياسى وتەدى.
«حالىقارالىق بالالاردى قورعاۋ كۇنىن مەرەكەلەۋدىڭ بىرەگەي ەرەكشەلىگى ەلوردانىڭ بۇلدىرشىندەرى – بالاباقشا تاربيەلەنۋشىلەرى اراسىندا «كوڭىلدى زارياد» اۋە شارلارى بار ءبىر ساتتىك فلەشموب بولماق. جاس فۋتبولشىلار مارافونى مەن استانا قالاسىنىڭ فۋتبول كوماندالارىنىڭ ويىنشىلارىمەن ماتچتار ءبىر ۋاقىتتا ءبىلىم بەرۋ ۇيىمدارىنىڭ سپورت الاڭدارىندا باستالادى. Street WORKOUT بەلسەندى سپورت تۇرلەرى بويىنشا ماستەر-كلاسستار قالالىق الاڭدارىندا جاسوسپىرىمدەر ءۇشىن وتەدى», دەدى سەرىك ادىلباەۆ.
الداعى مەرەكەگە وراي «اربات» جاياۋ جۇرگىنشىلەر اللەياسىندا قوسىمشا ءبىلىم بەرۋ ۇيىمدارىنىڭ بەلسەندى قاتىسۋىمەن مەرەكەگە وراي «بالالىق شاق ەنەرگياسى» جاس شەبەرلەرىنىڭ ناعىز قالاسى اشىلدى.
بالالار دەمالىسى جارمەڭكەسىندە «الاقاي! دەمالىس» قالا تۇرعىندارى مەن قوناقتارى ەلوردالىق جانە ەلدەگى دەمالىس لاگەرلەرىن تاڭداي الادى.
ەلوردانىڭ 100-دەن استام جاس سۋرەتشىسى «بالالىق شاقتىڭ جازى» ءىس-شاراسىنا قاتىسادى. «بورفەست» اسفالت ۆەرنيساجى دا وسى كۇنى ەسىل وزەنىنىڭ جاعاسىندا ۇيىمداستىرىلادى.
«SUPER كروسس» تەحنودرومىندا ەلوردا تۇرعىندارى مەن قوناقتارى راديو جانە روبوتوتەحنيكا, سۋدو جانە اۆيامودەلدەۋ بويىنشا جوبالارمەن تانىسادى. مۋزىكالىق مەكتەپتەردىڭ, ونەر مەكتەپتەرىنىڭ جانە وقۋشىلار سارايلارىنىڭ شىعارماشىلىق ۇجىمدارىنىڭ قاتىسۋىمەن اۋقىمدى جانە اسەم كونتسەرتتىك باعدارلاما قۇرىلدى. باعدارلامادا قولدانبالى ونەر بويىنشا ماستەر-كلاسستار, سابىن كوپىرشىكتەرى شوۋى بولادى. العاش رەت بالالار ءوز سۋرەتتەرىن ءبىر فورماتقا بىرىكتىرىپ, مەگا-پاننو جاسايدى. مەرەكە ەرەسەكتەر مەن بالالارعا ارنالعان سۋپەرديسكوتەكامەن اياقتالادى, وندا بالالىق شاقتىڭ مۋلتفيلم اندەرى, قازىرگى كۇندەردىڭ حيتتەرى شىرقالادى.
«تەاتر ونەرىنىڭ تۇرلەرىنە بالالاردىڭ قىزىعۋشىلىعىن دامىتۋ ماقساتىندا حالىقتىڭ الەۋمەتتىك وسال توپتارىنداعى بالالاردىڭ قۋىرشاق تەاترىنا بارۋى جوسپارلانىپ وتىر. سونىمەن قاتار, 1 ماۋسىمدا «قاۋىپسىز اتتراكتسيون» اكتسياسىن وتكىزۋ جوسپارلانۋدا, وندا بالالار تۇسكى اسقا دەيىن, تۇسكى استان كەيىن 50% جەڭىلدىكپەن بالالار اتتراكتسيوندارىنا تەگىن بارا الادى. بارلىق وتكىزىلەتىن ءىس-شارالار الەۋمەتتىك جەلىلەردە جاريالانادى», دەپ تۇيىندەدى سپيكەر.
