«ەلەكتروندى ساۋدا سالاسىندا ءوزارا الىس-بەرىستى ارتتىرۋ ءۇشىن قوسىمشا مۇمكىندىك بار. بۇل باعىتتا قىتايدىڭ كوش باستاپ تۇرعانى ءسوزسىز. ونلاين ساۋدانى دامىتۋ اسا ماڭىزدى. بۇعان جاپپاي شەكتەۋلەر كەزىندە كوزىمىز انىق جەتتى», دەدى پرەزيدەنت.
وسى رەتتە ول قىتايدىڭ «Alibaba Group», «JD COM» سياقتى ينتەرنەت الپاۋىتتارىنىڭ تاجىريبەسى مەن الەۋەتىن اتاپ ءوتتى.
«ورتالىق ازيا ەلدەرىنىڭ نارىقتاعى باسەكەدە ءوز ارتىقشىلىقتارى بار. وسى ورايدا, قازاقستان قىتايدىڭ ءىرى ەلەكتروندى ساۋدا الاڭدارىن كەڭىنەن پايدالانۋدى ۇسىنادى. بۇل قادام ونىمدەرىمىزدى نارىققا بىرلەسە شىعارۋ ءۇشىن اسا ماڭىزدى. كەشە JD COM پلاتفورماسىندا قازاقستاننىڭ ۇلتتىق پاۆيلونى اشىلدى», دەدى مەملەكەت باسشىسى.
