شارم-ءاش-شەيح پەن ورال شاھارىنىڭ اراسىن Scat Airlines اۋەكومپانياسى جالعايدى. ەندى الەمگە تانىمال كۋرورتقا Boeing 737MAX ۇشاعىمەن ورال قالاسىنان بەس كۇندە ءبىر رەت ۇشۋعا بولادى. رەيستەر قازان ايىنا دەيىن جوسپارلانعان.
«ورال قالاسىنان شىعاتىن اۋە رەيستەرىن كوبەيتۋ – ءبىز كوزدەگەن باسىم باعىتتىڭ ءبىرى», دەيدى اۋەجايدىڭ باس ديرەكتورى رۋستام بەكتەمىروۆ. ء«بىز ءوڭىر تۇرعىندارىنا ەل ىشىندە سۇرانىسقا يە باعىتتار بويىنشا, سونداي-اق تانىمال شەتەلدىك كۋرورتتار بويىنشا تىكەلەي رەيستەردىڭ قولجەتىمدى بولۋىن كوزدەپ وتىرمىز. مىسىرعا چارتەرلىك باعدارلامانىڭ باستالۋى بۇل ماسەلەنى شەشۋدەگى ماڭىزدى وقيعا بولدى».
ايتا كەتەيىك, بۇعان دەيىن ورال اۋەجايى ارقىلى استانا-ورال-ماينداعى فرانكفۋرت اۋە رەيستەرى 2017 جىلدىڭ 14 ماۋسىمىنان بەرى اپتاسىنا ەكى مارتە ۇشىپ كەلەدى. ال بىلتىر جازدا تۇركيانىڭ انتاليا قالاسىنا ماۋسىمدىق رەيستەر قوسىلعان بولاتىن. ول بيىل مامىر ايىندا قايتا جالعاسادى. Scat Airlines تۇرىك كۋرورتىنا اپتاسىنا ەكى رەت ۇشاتىن چارتەرلىك باعدارلامانى باستايدى.
«ورال قالاسىنان ۇشاتىن تۋرلاردى قازىردىڭ وزىندە تۋروپەراتورلاردان ساتىپ الۋعا بولادى», دەيدى ايناگۇل ساقپوسىنوۆا.
باتىس قازاقستان وبلىسى
