وڭىرلىك حابتار ءوز ايماقتارىندا يننوۆاتسيالىق جوبالاردى ازىرلەۋمەن, IT-سالاداعى كادرلاردى وقىتۋ جانە دايارلاۋمەن اينالىسادى. سونداي-اق ولار جەرگىلىكتى IT-قاۋىمداستىقتاردى – ستارتاپتار, ينۆەستورلار, تالىمگەرلەر قاۋىمداستىعىن قۇرادى. وعان بارلىق مۇددەلى تۇلعالار قوسىلا الادى. ستارتاپ جوبالاردى ازىرلەۋ كەزىندە ينكۋباتسيالىق كەزەڭدە كاسىپكەرلىككە وقىتۋ, ينۆەستيتسيالاردى تارتۋعا كومەك كورسەتۋ, قارجىلىق ەسەپ جانە PR تۇرعىسىنان قولداۋ كورسەتىلەدى.
«IT – قازىرگى الەمدەگى ەڭ الەۋەتتى جانە قارقىندى دامىپ كەلە جاتقان سالانىڭ ءبىرى. «Astana Hub»-تىڭ ماقساتى – بيىل بۇكىل ەل بويىنشا ايماقتىق حابتار اشۋ. بۇل يدەيانى العاش قولداعان باتىس قازاقستان جانە قىزىلوردا وبلىستارى. ەل حالقىنىڭ الەۋەتى زور. سوندىقتان وتانداستارىمىز ەلىمىزدىڭ نەمەسە الەمنىڭ كەز كەلگەن جەرىنەن ءوز جوبالارىن دامىتا الاتىنداي ەتىپ جاعداي جاساۋ كەرەك», دەيدى «Astana Hub» باسقارۋشى ديرەكتورى الينا ءابدىراحمانوۆا.
«Astana Hub» سەرىكتەستىگى اياسىندا ايماقتىق IT-حابتاردا «Idea Battle» جانە «Startup Talapker» ستارتاپتار بايقاۋى وتكىزىلەدى. سونداي-اق يدەيا كەزەڭىندە جانە ءونىم جاساۋ ساتىسىنداعى ستارتاپتارعا ارنالعان ينكۋباتسيالىق باعدارلامالار, تەحنوپاركتىڭ بارلىق ءبىلىم بەرۋ جانە بيزنەس باعدارلامالارى ۇسىنىلادى.
«وڭىرلىك حابىمىز قورقىت اتا اتىنداعى قىزىلوردا ۋنيۆەرسيتەتىنىڭ بيزنەس-ينكۋباتورى مەن وبلىستىڭ اقپاراتتىق تەحنولوگيالار ورتالىعىنىڭ بازاسىندا اشىلدى. ماقساتىمىز – ءوز ءىسىن اشىپ, ستارتاپ جوبالارىن دامىتقىسى كەلەتىن, بىراق مۇمكىندىگى جوق جەرگىلىكتى جاستارعا قولداۋ كورسەتۋ. جاقىن ارادا وبلىستا «Smart city Hackathon», «Pecha Kucha Night», «Innofest Kyzylorda» شارالارىن ۇيىمداستىرۋدى جوسپارلاپ وتىرمىز», دەيدى «Kyzylorda Hub» وكىلى جانارىس تۇبەكباەۆ.
سونىمەن قاتار ايماقتاردا باستاپقى دەڭگەيدەگى ستارتاپشىلارعا ارنالعان «Startup School» ونلاين وقۋى, كودتى قولدانباي-اق ءىت-ونىمدەردى ازىرلەۋ داعدىلارىن دامىتۋعا ارنالعان «No Code» كۋرسى جانە «Startup Academy» تەحنولوگيالىق كاسىپكەرلىك باعدارلاماسى بار. سونداي-اق ءارتۇرلى وفلاين جانە ونلاين كەزدەسۋلەر, وقۋ مەن ترەنينگتەر وتكىزىلەدى. وندا تابىستى IT-كاسىپكەرلەر IT, ساتۋ, ستراتەگيا جانە ماركەتينگ تۋرالى ايتىپ, تاجىريبەلەرىمەن بولىسەدى.
ء«بىز بۇگىنگە دەيىن ەكى ميتاپ وتكىزدىك. كەزدەسۋگە IT سالاسىنداعى مىقتى سپيكەرلەر, سونداي-اق ءوز ستارتابىن اشقان كاسىپكەرلەر قاتىستى. ماسەلەن, «Anthill» ستارتابىنىڭ نەگىزىن قالاۋشى نۇربولات امانعاليەۆ قالا مەنەدجمەنتىن ۇيىمداستىرۋ جانە IT-تەحنولوگيالاردى دامىتۋ تاقىرىبىن تالقىلادى. 140 ادام قاتىسقان ءىس-شارا وتە قىزىقتى ءوتتى. جاقىندا «Google Developer Groups» باعدارلاماسى بويىنشا شەبەرلىك ساعاتىن ۇيىمداستىرامىز», دەدى «Jaiq Hub» وكىلى وماربەك ءتاشىم.
وڭىرلىك IT-حابتار جەتەكشى الەمدىك كومپانيالاردا تاجىريبەسى بار جانە قازاقستاننىڭ IT-يندۋسترياسىن دامىتۋعا ۇلەس قوسۋعا ۇمتىلعان 4 مىڭنان استام وتاندىق دارىندى ماماندى قامتيتىن «Digital Nomads»-پەن ىنتىماقتاسا جۇمىس ىستەپ جاتىر. «Digital Nomads» – وتاندىق ءىت-مامانداردىڭ جاھاندىق قاۋىمداستىعى. ونىڭ نەگىزىن تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين قالاعان.
