كوكشەتاۋدا قازاقستان-بەلارۋس يندۋستريالدى-تەحنولوگيالىق پاركى اشىلادى

استانا. 8 شىلدە. كوكشەتاۋدا اۋىلشارۋاشىلىعى جانە كوممۋنالدىق تەحنيكالاردى شىعاراتىن قازاقستان-بەلارۋس يندۋستريالدى-تەحنولوگيالىق پاركى اشىلادى دەپ كۇتىلۋدە. بۇل تۋرالى «قازاقپارات» حابارلادى. اقمولا وبلىسىنىڭ اكىمى  س.كۋلاگين مەن بەلارۋستىڭ ەلىمىزدەگى توتەنشە جانە وكىلەتتى ەلشىسى ا.نيچكاسوۆ اراسىندا وتكەن كەزدەسۋدە بەلگىلى بولعانداي, اتالعان بىرلەسكەن جوبا – «قازاقستاننىڭ اگرو يننوۆاتسيالىق كورپوراتسياسى» جاۋاپكەرشىلىگى شەكتەۋلى سەرىكتەستىگى وڭىردە جاڭا جۇمىس ورنىن اشىپ, ءونىم كولەمىن ارتتىرۋدى جانە جاقىن شەتەلدەرگە تاۋار ەكسپورتتاۋدى كوزدەپ وتىر. بۇگىندە وسى باعىتتا 6 گەكتار جەر تەلىمى ءبولىنىپ, جوبالىق قۇجاتتامالار مەملەكەتتىك ساراپتامادان وتكىزىلۋدە. قازىرگى تاڭدا قۇرىلىس جۇمىستارىن 2014 جىلدىڭ 4-توقسانىندا اياقتاۋ جوسپارلانىپ وتىر. تاعى ءبىر ايتا كەتەر ءجايت, كەزدەسۋ بارىسىندا تاراپتار ماشينا قۇرىلىسى, اۋىلشارۋاشىلىعى, كوممۋنالدىق تەحنيكالار شىعارۋ جانە جيھاز جاساۋ جونىندە كەلىسسوزدەر جۇرگىزدى. جولدىباي بازار. دەرەككوز: «قازاقپارات». فوتو: el.kz.