2016 جىلدان باستاپ ەلىمىزدە ك2 ەكولوگيالىق سىنىبىنىڭ جانار-جاعارمايىن ساتۋ توقتاتىلادى

استانا. 8 شىلدە. ەلىمىزدە 2016 جىلدىڭ 1 قاڭتارىنان باستاپ ەۋرازيالىق ەكونوميكالىق كوميسسيانىڭ شەشىمىنە سايكەس ك2 ەكولوگيالىق سىنىبىنداعى اۆتوموبيل بەنزينىن جانە ديزەل وتىنىن شىعارۋعا تىيىم سالىنادى.  بۇل تۋرالى primeminister.kz حابارلادى. يندۋستريا جانە جاڭا تەحنولوگيالار مينيسترلىگى تەحنيكالىق رەتتەۋ جانە مەترولوگيا كوميتەتىنىڭ حابارلاماسىندا كورسەتىلگەندەي, «كەدەن وداعى اۋماعىندا اينالىمعا شىعاتىن اۆتوموبيل جانە اۆياتسيالىق بەنزينگە, ديزەل جانە كەمە وتىنىنا, رەاكتيۆتى قوزعالتقىشتارعا جانە مازۋتقا قويىلاتىن تالاپتار تۋرالى» كەدەن وداعىنىڭ تەحنيكالىق رەگلامەنتىنە ەنگىزىلەتىن وزگەرىستەر نەگىزىندە 2016 جىلدىڭ 1 قاڭتارىنان ك2 ەكولوگيالىق سىنىبىنىڭ اۆتوموبيل بەنزينىن جانە ديزەل وتىنىن قولدانۋعا تىيىم سالىنادى. اتالعان تەحنيكالىق رەگلامەنتكە ەنگىزىلگەن وزگەرىستەر 2014 جىلدىڭ 10 شىلدەسىندە كۇشىنە ەنەدى. جولدىباي بازار. دەرەككوز: primeminister.kz. فوتو: news.delovoimir.kz.