قىزىلوردا وبلىستىق دەنساۋلىق ساقتاۋ باسقارماسى ۇسىنعان اقپاراتقا قاراعاندا, اتالمىش باعدارلاما 2021 جىلدان باستاپ ەلىمىزدە قوسالقى رەپرودۋكتيۆتى تەحنولوگيالاردىڭ كومەگىمەن وتباسىلىق-دەموگرافيالىق پروبلەمالاردى شەشۋگە جاردەمدەسۋ ماقساتىندا ىسكە قوسىلعان.
باعدارلاما اياسىندا 2021 جىلى قىزىلوردا وبلىسىنا 281 كۆوتا بولىنگەن, سونىڭ نەگىزىندە ەكۇ ارقىلى 119 بالا تۋىلىپ, 3 وتباسىندا ەگىز سابيلەر دۇنيەگە كەلگەن ەكەن.
ايتا كەتسەك, 2022 جىلى بولىنگەن 277 كۆوتا دا تولىق پايدالانىلعان. بيىل بۇل باعدارلاما بويىنشا 274 كۆوتا بولىنسە, بۇگىنگى كۇنى ونىڭ 92-ءسى يگەرىلگەن.
اتالمىش باعدارلاما اياسىندا ءسابيلى بولعان بايقوڭىرلىق انا مەن نارەستەلەردىڭ جاعدايى جاقسى. شاقالاقتار 1180, 1200, 1400 گرامم بولىپ تۋىلعان.
ۇشەم بايقوڭىر قالاسىندا تۋىلىپ, سول كۇنى سانيتارلىق اۆياتسيا جەلىسى ارقىلى وبلىستىق پەريناتالدىق ورتالىققا جەتكىزىلگەن.
