جاڭاوزەن قالاسىنداعى «بەرالى ماڭعىستاۋ Company» جشس-ءنىڭ 100-گە جۋىق قىزمەتكەرىنە جۇمىس بەرۋشىلەر 3 ساۋىردەن باستاپ جۇمىستان شىعارۋ پروتسەسى باستالاتىنىن الدىن الا حابارلاعان. وعان «وزەنمۇنايگاز» اق-مەن اراداعى ۇڭعىمالاردى جەراستى جوندەۋ جونىندەگى شارت مەرزىمىنىڭ اياقتالۋى سەبەپ بولىپ وتىر. الايدا قىزمەتكەرلەر وزدەرىن ودان ءارى جۇمىسقا ورنالاستىرۋ ماسەلەسىن, ونىڭ ىشىندە «وزەنمۇنايگاز» اق-نىڭ شتاتىنا اۋىستىرۋ ارقىلى شەشۋدى تالاپ ەتىپ وتىر.
وسىعان بايلانىستى كومپانيانىڭ بۇرىنعى جۇمىسكەرلەرىنە 2023 جىلعى 1 ساۋىردەن باستاپ ەڭبەك جاعدايلارى مەن الەۋمەتتىك پاكەتى ساقتالعان جانە ورتاشا جالاقىسى 700 مىڭ تەڭگەنى قۇرايتىن باسقا كومپانيالارعا («كەزبي» جشس جانە «Ai-Bis» جشس) جۇمىسقا ورنالاسۋ ۇسىنىلدى. بىراق بۇرىنعى جۇمىسكەرلەر ودان باس تارتىپ, «وزەنمۇنايگاز» اق شتاتىنا جۇمىسقا ورنالاسقىسى كەلەتىندەرىن العا تارتقان.
قر ەنەرگەتيكا مينيسترلىگى بۇل ماسەلە ەڭبەك زاڭناماسى مەن «سامۇرىق-قازىنا» ۇاق» اق ساتىپ الۋ قاعيدارىن ەسكەرە وتىرىپ, زاڭنامالىق نەگىزدە شەشىلۋى ءتيىس دەپ سانايدى.
