- «قازمۇنايگاز» ەنشىلەس كومپانيالارىنىڭ جاعدايى تۋرالى. تەندەرلىك پروتسەدۋرالار جۇرگىزىلگەنىن بىلەسىزدەر, ال ۇتىلعان كومپانيا مەن ونىڭ جۇمىسشىلارى قازىر قايتا قاراۋ (تەندەر قورىتىندىسىن – ەسك.) ماسەلەسىن كوتەرىپ جاتىر. بىراق ءبارى زاڭ اياسىندا شەشىلۋى كەرەك. قازىر ەنەرگەتيكا مينيسترلىگى مەن «قازمۇنايگاز» وكىلدەرى كەلىسسوزدەر, ءتۇسىندىرۋ جۇمىستارىن جۇرگىزىپ جاتىر», دەدى كولگىنوۆ.
ۆيتسە-پرەمەردىڭ ايتۋىنشا, بارلىعى زاڭ اياسىندا شەشىلۋى ءتيىس.
«ولار جەڭىلگەن كومپانيانىڭ تەندەردە جەڭگەنىن قالايدى. بىراق بۇل مۇمكىن ەمەس. ءبىز مۇنى زاڭ اياسىندا جاساۋىمىز كەرەك. تەندەرلىك تالاپتار بار, نە سوتتا, نە زاڭدى تۇردە ءبارىن قاراستىرۋ كەرەك. سوندىقتان جاي عانا تالاپ قويۋ, كەم دەگەندە, دۇرىس ەمەس. ءبىزدىڭ مىندەتىمىز ولارعا بوس جۇمىس ورىندارىن ۇسىنۋ. مەملەكەتتىك ورگاندار وسىلاي ىستەپ جاتىر», دەپ قوستى كولگىنوۆ.
10 ساۋىردە جاڭاوزەندىك جۇمىسشىلاردىڭ استاناعا جينالعانى حابارلاندى. ەنەرگەتيكا مينيسترلىگىنىڭ عيماراتى ماڭىندا 60-70-كە جۋىق ادام جينالدى.
