ۇيىم كەڭىستىگىندەگى قاۋىپسىزدىك – كوكەيكەستى ماسەلە

پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ پەن كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ مۇشەسى دۋلات قۇسداۋلەتوۆ باكۋ قالاسىندا وتكەن ەقىۇ پارلامەنتتىك اسسامبلەياسىنىڭ ءححىىى سەسسياسىنا قاتىستى, دەپ حابارلادى سەناتتىڭ ءباسپاسوز قىزمەتى. قازاقستان پارلامەنتتىك دەلە­گا­تسياسىنىڭ قۇرامىنا ءماجىلىس دەپۋتاتتارى – حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى قۋانىش سۇلتانوۆ پەن اگرارلىق ماسە­لەلەر كوميتەتىنىڭ مۇشەسى سۆەتلانا قا­دىراليەۆا دا ەنگەن بولاتىن. جىل سايىنعى سەسسيانىڭ اشىلۋىندا  فورۋمعا قاتىسۋشىلار الدىندا ازەربايجان پرەزيدەنتى يلحام اليەۆ, ەقىۇ پا توراعاسى رانكو كريۆوكاپيچ, ازەربايجان پارلامەنتىنىڭ توراعاسى وكتاي اسادوۆ, ەقىۇ-نىڭ ءىس باسىنداعى توراعاسى ديدە بۋركحالتەر قۇتتىقتاۋ ءسوز سويلەدى. سونداي-اق, رەسەي مەملەكەتتىك دۋماسىنىڭ توراعاسى سەرگەي نارىشكين مەن ۋكراينا جوعارعى راداسى توراعاسىنىڭ ورىنباسارى رۋسلان كوشۋلينسكيگە دە ءسوز بەرىلدى. ساياسي ماسەلەلەر جانە قاۋىپسىزدىك جونىندەگى جالپى كوميتەتتىڭ وتىرىسىندا سەناتور ي.ادىربەكوۆ ءسوز سويلەدى. بۇل سەسسياداعى «حەلسينكي+40: ماقسات – ءار ادامنىڭ قاۋىپسىزدىگى» تاقىرىبىنىڭ وزەكتىلىگىن اتاپ وتە كەلىپ, سەناتور قاۋىپسىزدىك پەن ىنتىماقتاستىقتىڭ وتكىر ماسەلەلەرىن اشىق تالقىلاۋعا جانە شەشىمىن ىزدەۋگە بولاتىن ەقىۇ مەن باسقا دا حالىقارالىق ۇيىمدار جۇمىسىنىڭ ماڭىزدىلىعىنا توقتالدى. ول,سونداي-اق, قازاقستاننىڭ ۇنقاتىسۋ جانە ءوزارا ءىس-قيمىل قالىپتاستىرۋدا سىندارلى ءرول اتقارۋعا ۇمتىلىسىن اتاپ ءوتتى. وسىعان بايلانىستى, ونىڭ ايتۋىنشا, ءبىزدىڭ ەلىمىز ورتالىق ازيا ەلدەرىنەن العاشقى بولىپ بۇۇ قاۋىپسىزدىك كەڭەسىنىڭ قۇرامىنا 2017 جىلى ەنۋگە نيەتتەنىپ وتىر. سونداي-اق, پارلامەنتتىك فورۋم الاڭدارىندا ەكسترەميزم, راديكاليزم جانە جاتسىنۋدىڭ ارتا ءتۇسۋى, ۋكرايناداعى جاعداي ماسەلەلەرىنە ارنالعان ارنايى پىكىرسايىستار بولدى. سەسسيا اياسىندا قازاقستاندىق دەلەگاتسيا مۇشەلەرى ۇقشۇ, تۇركپا ەلدەرىندەگى رەسمي ەمەس كەزدەسۋلەرگە قاتىسىپ, اسسامبلەيانىڭ باسشى قۇرامىمەن جانە ونىڭ حالىقارالىق حاتشىلىق قۇرامىمەن, سونداي-اق, ەقىۇ ەلدەرىنىڭ 15-تەن استام ۇلتتىق دەلەگاتسيالار وكىلدەرىمەن كەزدەستى. سەسسيانىڭ قورىتىندىسىندا ەقىۇ پا-نىڭ باكۋ دەكلاراتسياسى قابىلداندى.