پرەزيدەنت قاسىم-جومارت توقاەۆ جينالعان قاۋىمدى قاسيەتتى رامازان ايىمەن قۇتتىقتاۋ لەبىزىندە: «جالپى, ۇلت مادەنيەتى – حالىق ءومىرىنىڭ ايناسى, ونىڭ بولمىسى. ەلىمىزدىڭ رۋحاني دامۋى ۇلتتىق رۋحقا تىكەلەي بايلانىستى. سول سەبەپتى ازاماتتارىمىزدىڭ رۋحى ارقاشان بيىك بولۋى ءۇشىن مادەنيەتىمىزگە, ياعني رۋحانياتىمىزعا باسا ءمان بەرگەنىمىز ءجون.
قازىرگى تاڭدا زيالى قاۋىمنىڭ قوعامداعى ءرولى اسا ماڭىزدى. مادەنيەت قايراتكەرلەرى حالىققا, ەڭ الدىمەن, ءوز تۋىندىلارىمەن تانىمال بولۋى كەرەك, قوعامعا, اسىرەسە, جاستارعا جول كورسەتىپ, ۇلگى-ونەگە بولۋى قاجەت. جۇرتىمىز زيالى قاۋىمنان سابىرلىقتى, پاراساتتىلىقتى كۇتەدى», دەدى.
مەملەكەت باسشىسىنىڭ اتىنان بەرىلگەن اۋىزاشارعا مەملەكەت جانە قوعام قايراتكەرلەرى, عالىمدار, دارىگەرلەر, مۇعالىمدەر, ەتنومادەني بىرلەستىكتەردىڭ وكىلدەرى, ديپلوماتيالىق وكىلدىكتەردىڭ باسشىلارى, مادەنيەت قايراتكەرلەرى, قۇتقارۋشىلار, ەڭبەك ادامدارى قاتىستى.
