«ۇلتتىق قاۋىپسىزدىك كوميتەتى شەكارا قىزمەتى ازامات سەرىك مىرزاقۇل ۇلى كۇدەباەۆتىڭ (01.01.1965ج.ت.) رەسمي جۇمىس ىستەپ تۇرعان وتكىزۋ پۋنكتەرى ارقىلى قازاقستان رەسپۋبليكاسىنىڭ مەملەكەتتىك شەكاراسىنان وتپەگەنىن حابارلايدى.
بۇگىنگى كۇنى شەكتەس مەملەكەتتەردىڭ شەكارا وكىلدەرى اپپاراتىمەن بىرلەسە وتىرىپ, تەكسەرۋ تاعايىندالدى.
تەكسەرۋ ناتيجەسى قوسىمشا حابارلاناتىن بولادى», دەلىنگەن حابارلامادا.
ەسكە سالايىق, الماتى وبلىستىق پوليتسيا دەپارتامەنتىنىڭ بۇرىنعى باسشىسى س.كۇدەباەۆ 3 ءساۋىر كۇنى ساعات 10:00-دە سوتقا جەتكىزىلۋى ءتيىس ەدى. الايدا, پروكۋرور كۇدىكتىنى الىپ كەلۋ تۋرالى قاۋلىنى ورىنداۋ بارىسىندا س.كۇدەباەۆتىڭ ەلدەن كەتىپ قالعانى تۋرالى مالىمەت ۇسىنعان.
«بۇگىنگى تاڭدا قىلمىستىق-پروتسەستىك كودەكستىڭ 324-بابىنا سايكەس, ءىس ىزدەۋ جاريالانۋىنا بايلانىستى توقتاتىلدى. ءىس ىزدەۋدى قاداعالاۋ ءۇشىن جەتىسۋ وبلىستىق پروكۋراتۋراسىنا جىبەرىلدى», دەلىنگەن تالدىقورعان قالالىق سوتىنىڭ حابارلاماسىندا.
ءمالىم بولعانداي, سەرىك كۇدەباەۆقا حالىقارالىق ىزدەۋ جاريالاندى.
