عۇن جاۋىنگەرىنىڭ بەينەسى

ارحەولوگتەر بۇل جەردە ءبىز­دىڭ زامانىمىزدىڭ ءىى-ءىىى عا­سىرىندا ءومىر سۇرگەن عۇن تاي­پاسى وكىلدەرىنىڭ ءبىرى جەر­لەن­­گەنىن جاۋىنگەر كيىمى مەن قارۋ-جاراعى, ات ابزەلدەرى قال­دىقتارىنان انىقتادى. جانە ءبىر ەرەكشەلىگى – ەجەلگى زا­ماننىڭ توناۋشىلارىنىڭ كوزىنەن تىس قالعان ەليتالىق, بۇزىلماعان وبالاردىڭ ءبىرى ەكەنى بەلگىلى بولدى. وعان دالەل جاۋىنگەر كيىمىندەگى اشەكەيلەر مەن قارۋ-جاراق قالدىعىنىڭ وسى زامانعا دەيىن شاشىلماي, جوعالماي جەتۋى. بيىلعى جازدا وسى ارحەولوگيالىق مۇرالارعا رەكونسترۋكتسيالاۋ جۇ­مىستارى باستالماقشى. ەجەلگى وركەنيەت جاۋىنگەرىنىڭ بەت-بەي­نەسىن, كيىمى مەن قارۋ-جاراعى, ات ابزەلدەرىن قايتا جاراقتاندىرۋ جۇمىستارىمەن ءا.مارعۇلان اتىنداعى ارحەولو­گيا ينستيتۋتىنىڭ ءبولىم مەڭگە­رۋشىسى اسلان مامەدوۆ پەن وسى وقۋ ورنىنىڭ جەتەكشى عىلىمي قىزمەتكەرى ارمان بيسەمباەۆ, ەتنو­گراف-عالىم, سۋرەتشى قا­ليول­لا احمەتجان اينالىسادى.

ءبىزدىڭ زامانىمىزدىڭ ءىى-ءىۇ عاسىرىندا قازىرگى اقتوبە وبلىسىنىڭ اۋماعىن عۇن تايپالارى مەكەندەگەن. ولار ەۋروپاعا قونىس اۋدارعانعا دەيىن وسى جاقتا ءومىر ءسۇرىپ, ەرەكشە مادەنيەت ىزدەرىن قالدىرعان. عۇنداردىڭ باسقالارعا ۇقسامايتىن وزىندىك مادەنيەتىن قوبدا, ويىل وزەندەرىنىڭ بويىنان تابىلعان وبالاردا ساقتالعان بۇيىمداردان كورۋگە بولادى. «ەلەك وزەنى بويىندا كەزدەيسوق تابىلعان وباداعى بۇيىمداردان عۇن جا­ۋىنگەرىنىڭ بەينەسىن قالپىنا كەل­تىرمەكشىمىز. ءبىز ەجەلگى جا­ۋىنگەر كيىمىندەگى اشەكەي بۇيىم­داردى, قارۋ-جاراعى قالدىق­تارى مەن ات ابزەلدەرىن مۇ­قيات زەرتتەۋگە كىرىستىك. وبا­دان تابىلعان ولجالاردىڭ ىشىن­دەگى ەڭ قىزىقتىرعانى اتتىڭ ەرى ەكەندىگىن جاسىرمايمىز. ويتكەنى عۇن ساربازدارى ءوز زامانىندا ءمىنىس اتتارىن ساندەپ مىنگەن,- دەيدى ارحەولوگ اسلان مامەدوۆ.

اقتوبە وبلىسى