اتالعان ورتالىقتا جۇكتى ايەلدەرگە ۋلترادىبىستىق جانە بيوحيميالىق سكرينينگ جۇرگىزىلەدى. وعان گەنەتيكتەر مەن اكۋشەر-گينەكولوگتەر كونسۋلتاتسيا بەرەدى. پەريناتالدىق كونسيليۋمدا ۇرىقتىڭ دامۋ پاتولوگياسى انىقتالعان كەزدە بوسانۋ ءتاسىلى انىقتالادى. سونداي-اق ورتالىقتا ۇرىقتىڭ انىقتالعان پاتولوگياسىن راستاۋ ءۇشىن ۋلترادىبىستىق دياگنوستيكانىڭ ەكىنشى دەڭگەيى بار.
وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ايگەرىم لەباەۆا بولىمشەلەر ۋلترادىبىستىق جانە بيوحيميالىق سكرينينگتى قامتيتىن بىرىكتىرىلگەن گەنەتيكالىق سكرينينگ جۇرگىزۋ ءۇشىن قاجەتتى جابدىقتارمەن جاراقتالعانىن اتاپ ءوتتى.
«ورتالىقتىڭ نەگىزگى باعىتى – تۋا بىتكەن پاتولوگيالارمەن كۇرەسۋ, ۇرىقتىڭ قالىپتاسۋىنا اسەر ەتەتىن جاعىمسىز فاكتورلاردى جويۋ, تۋا بىتكەن اقاۋلار مەن حروموسومالىق اۋىتقۋلاردى انىقتاۋ كەزىندە جۇكتىلىكتى ۇزارتۋ ماسەلەسى, جاڭا تۋعان نارەستەگە قاجەتتى مەديتسينالىق كومەكتى ۋاقتىلى كورسەتۋ. گەنەتيكا بولىمىندە حروموسومالىق اۋىتقۋلارعا پەريناتالدىق بيوحيميالىق سكرينينگ جانە تۇقىم قۋالايتىن مەتابوليكالىق اۋرۋلارعا نەوناتالدىق سكرينينگ جۇرگىزىلەدى», دەدى ءا.لەباەۆا.
انىقتالعان تۋا بىتكەن پاتولوگيالارمەن جۇكتىلىكتى ودان ءارى جۇرگىزۋ نەمەسە توقتاتۋ ءتاسىلى تۋرالى ماسەلەلەردى شەشۋ ءۇشىن ۇرىق پاتولوگياسىنىڭ سيپاتىنا بايلانىستى بەيىندى مامانداردى تارتا وتىرىپ, كوپبەيىندى كوميسسيا ۇيىمداستىرىلدى. كوميسسيانىڭ وتىرىسىندا وتباسىنا انىقتالعان اۋرۋدىڭ بارلىق سالدارى, جۇكتىلىكتى ۇزارتۋ تۋرالى شەشىم قابىلداعان كەزدە بالانىڭ ومىرىنە بولجام جانە مۇگەدەكتىك دارەجەسى تۇسىندىرىلەدى.
بولاشاقتا ۇرىقتى ساقتاۋ ورتالىعىندا ۇرىقتىڭ ينۆازيۆتىك پرەناتالدىق دياگنوستيكاسىن جۇرگىزۋ جوسپارلانىپ وتىر. بۇل – «حروموسومالىق پاتولوگيا» دياگنوزىنىڭ سوڭعى كەزەڭى.
جەتىسۋ وبلىسى
