رەسەي پرەزيدەنتى ۆ.پۋتين: «قازاقستان – رەسەيدىڭ نەگىزگى ءارى سەنىمدى ارىپتەسى»

استانا. 30 ماۋسىم. ەلىمىزدىڭ رەسەيدەگى توتەنشە جانە وكىلەتتى ەلشىسى مارات ءتاجين ۆلاديمير پۋتينگە سەنىم گراموتاسىن تابىستادى. بۇل تۋرالى «حابار» تەلەارناسى حابارلادى. سەنىم گراموتاسىن تابىستاۋ راسىمىنەن كەيىن ۆلاديمير پۋتين: «قازاقستان ءبىزدىڭ نەگىزگى ارىپتەسىمىز جانە ستراتەگيالىق وداقتاسىمىز. ەكىجاقتى جانە حالىقارالىق كۇن ءتارتىبىنىڭ بارلىق باعىتى بويىنشا قازاقستانمەن ءوزارا قاتىناستىڭ اشىق جانە سەنىمدى سيپاتىن جوعارى باعالايمىز. ءححى عاسىرداعى كورشىلىك پەن وداقتاستىق تۋرالى رەسەي مەن قازاقستان اراسىنداعى كەلىسىمشارتتا ايقىندالعان بارلىق باعىتتار بويىنشا استانامەن ىنتىماقتاستىعىمىزدى ودان ءارى ارتتىرامىز. سونداي-اق, 2015 جىلعى 1 قاڭتاردان باستاپ ىسكە قوسىلاتىن ەۋرازيالىق ەكونوميكالىق وداقتى قالىپتاستىرۋدا قويان-قولتىق ەڭبەك ەتەمىز دەپ سەنەمىن», – دەدى. كرەملدە قازاقستاننان باسقا تاعى 13 ەلدىڭ ديملوماتيالىق وكىلدىكتەرى رەسەي پرەزيدەنتىنە سەنىم گراموتالارىن ۇسىندى. جولدىباي بازار. دەرەككوز: «حابار» تەلەارناسى. فوتو: tengrinews.kz.