«JLC ءسۇت» زاۋىتى ۇجىمىمەن كەزدەسۋدە كانديدات ەرلان سايروۆ اۋىلدى جانە اۋىل شارۋاشىلىعىن وركەندەتۋ ارقىلى ەل بولاشاعىن جارقىن ەتۋگە بولاتىنىن جەتكىزدى.
– «Amanat» پارتياسىنىڭ ىقپالىمەن اۋىل تۇرعىندارىنا مال, قۇس ءوسىرۋ, باۋ-باقشا ەگۋ ءۇشىن جەڭىلدەتىلگەن نەسيە بەرىلەدى. اۋىلعا جاستاردى تارتۋ ماقساتىندا پارتيامىز اۋقىمدى باستاما كوتەرىپ وتىر. ماسەلەن, وقۋ ءبىتىرىپ, اۋىلعا بەت العان جاستارعا قوماقتى كوتەرمە جاردەماقى بەرىلەدى, – دەدى ە.سايروۆ.
ءوز كەزەگىندە, كانديدات جاناربەك ءاشىمجانوۆ «كوكتال» ەلدى مەكەنى تۇرعىندارىمەن كەزدەسۋدە مەملەكەت باسشىسىنىڭ جەتىسۋ وبلىسىنىڭ دامۋىنا ەرەكشە كوڭىل ءبولىپ وتىرعانىن اتاپ ءوتتى.
«تۋريزم بولسىن, اۋىل شارۋاشىلىعى بولسىن, كاسىپكەرلىك بولسىن, «Amanat» پارتياسى قاي سالانىڭ دا تىڭنان تىنىسىن اشادى. جەتىسۋ وڭىرىندە 12 مىڭ گەكتاردان استام جەرگە قانت قىزىلشاسى ەگىلەدى. پارتيانىڭ قولداۋىمەن شاعىن جانە ورتا بيزنەسپەن شۇعىلداناتىندار سانى 71 مىڭعا ارتادى. ناتيجەسىندە, اتاۋلى سالاعا 129 مىڭ جەتىسۋلىق جۇمىسقا ورنالاسادى. پارتيانىڭ جەتىسۋ وڭىرىنە ارنالعان باعدارلاماسى وبلىستىڭ الەۋەتىن ارتتىرۋعا باعدارلانعان», دەدى ج.ءاشىمجانوۆ.
ازاماتتىق قوعام وكىلدەرىمەن كەزدەسۋدە كانديدات الماس احمەتبەك ۇلى حالىقتىق پارتيا ەلدەگى جەمقورلىقتى تۇبەگەيلى جويۋعا اتسالىساتىنىن ايتتى.
– «Amanat» پارتياسى ەلدەگى جەمقورلىقتى جويۋدى نىساناعا الىپ وتىر. ءبىز ترانسفورماتسيادان وتتىك. ءبىز حالىقتىڭ, قوعامنىڭ تالابىنا ساي وزگەردىك. وزگەلەر وزگەرتە الماعاندى ءبىز وزگەرتەمىز. سەبەبى ءبىزدىڭ يىنىمىزدە حالىقتىڭ, ياعني سىزدەردىڭ اماناتتارىڭىز بار. ءبىزدىڭ مۇددە – حالىق پەن بيلىك اراسىنداعى التىن كوپىرگە اينالۋ», – دەدى ا.احمەتبەك ۇلى.
ال پارتيانىڭ رەسپۋبليكالىق سايلاۋالدى شتابىندا Talqylau ديالوگ الاڭىنىڭ كەزەكتى وتىرىسى ءوتىپ, وندا «ەڭبەك ادامى: العاشقى جالاقىدان زەينەتاقىعا دەيىن» تاقىرىبىندا ساراپتامالىق تالقىلاۋ جۇرگىزىلدى.
