كەزدەسۋ بەيرەسمي تۇردە ءوتتى, پارتيا مۇشەلەرىنە كەز كەلگەن ادامنىڭ سۇراق قويۋىنا مۇمكىندىك بەرىلدى. ماسەلەن, پاۆلودار قالاسى تۇرعىندارىنىڭ ءبىرى ەكولوگيا تاقىرىبىنا قاتىستى ساۋال قويدى.
ء«بىز پارتيا قىزمەتكەرلەرىنىڭ قاعازداردى, پاراقشالاردى تاراتىپ, پلاكاتتار مەن بيلبوردتاردى قالاي ءىلىپ جاتقانىن كورىپ ءجۇرمىز. ونى باسىپ شىعارۋ ءۇشىن قانشا قاعاز جۇمسالدى, قانشا اعاش جويىلدى؟ قانشا وندىرىلگەن وتتەگىنى جوعالتامىز؟ تابيعاتقا كەلتىرىلگەن زالالدى قالاي وتەيسىزدەر؟», دەدى ول.
ونىڭ ساۋالىنا پارتيا توراعاسى ايداربەك قوجانازاروۆ: ء«بىزدىڭ پارتيا ەكولوگياعا بايىپپەن قارايدى, ءبىز دە سىزدەي جاعدايدى باستان كەشىرىپ جاتىرمىز. دەگەنمەن ءبىز تەك سايلاۋ كەزىندە نەمەسە ودان كەيىن عانا ەمەس, تابيعاتقا ءاردايىم قامقورلىق تانىتاتىنىمىزدى باسا ايتقىم كەلەدى», دەپ جاۋاپ بەردى.
پارتيالىقتارعا قويىلعان تاعى ءبىر ساۋال مۇمكىندىگى شەكتەۋلى جانداردىڭ جاعدايىنا قاتىستى بولدى.
«مىسالى, اياق-قولىنان ايىرىلعان ادامدار جىل سايىن مۇگەدەكتىگىن راستاۋعا ءماجبۇر. ءار جولى كوميسسيا الدىنا بارىپ, قولدارى مەن اياقتارى جوق ەكەنىن دالەلدەيدى. پاۆلودار – سىرقات دەڭگەيى جوعارى ءوڭىر, قالادا «حيميامەن» تىنىستايمىز. نەلىكتەن ءبىز باسقا ماسەلەلەرمەن قاتار, اۋرۋ ەكەنىمىزدى دالەلدەۋىمىز كەرەك؟ بۇل ماسەلە قاشان شەشىمىن تابادى؟», دەپ سۇرادى جيىنعا كەلگەن قالا تۇرعىندارىنىڭ ءبىرى. بۇل ساۋالعا اۋىلداردىڭ بىرىندە ەرەكشە بالالارعا ارنالعان وڭالتۋ ورتالىعىن اشقان الەۋمەتتىك كاسىپكەر, ءماجىلىس دەپۋتاتتىعىنا كانديدات دينارا ناۋموۆا جاۋاپ بەردى.
«مەن دە تسەرەبرالدى سال اۋرۋىمەن اۋىرامىن, سوندىقتان ءسىزدىڭ شاعىمىڭىزدى جاقسى تۇسىنەمىن. مەن دە جىل سايىن وسى كوميسسيالاردان ءوتىپ ءجۇرمىن, تاعى وتەمىن. بالا كەزىمدە وزىمە دە سول سۇراقتى قويىپ, اجەمنەن «اياق-قولىنان ايىرىلعان ادامدار مۇگەدەكتەر ارباسىندا وتىرىپ, جاڭا اياعى وسپەگەنىن راستاۋى كەرەك پە؟» دەپ سۇرايتىنمىن. سايلاۋالدى باعدارلامامىزدا قوعامداعى ينكليۋزيۆتىلىكتى دامىتۋعا ۇلكەن كوڭىل بولدىك. بۇل ەلدەگى مۇمكىندىگى شەكتەۋلى جانداردىڭ جاعدايىن وزگەرتكىمىز كەلەتىنىن بىلدىرەدى. ونىڭ ىشىندە قاجەتسىز جانە پايداسىز پروتسەدۋرالاردان قۇتىلۋ دا بار», دەدى دينارا ناۋموۆا.
