پارتيا الداعى 5 جىلدا شىمكەنت قالاسىندا بۇقارالىق سپورتپەن اينالىساتىن تۇرعىنداردىڭ ۇلەسىن 50 پايىزعا دەيىن جەتكىزۋدى كوزدەپ وتىر. 2023-2027 جىلدارى شىمكەنتتە 100 اشىق سپورت الاڭىن سالۋعا ىقپال ەتەدى. بۇعان قوسا, شىمكەنتتە جاڭا يپپودروم اشىلىپ, مەتاللۋرگتەر سپورت كەشەنى قايتا جاڭعىرتۋدان كەيىن پايدالانۋعا بەرىلەدى. ال 2026 جىلعا قاراي قاجىمۇقان اتىنداعى ورتالىق ستاديوندى جاڭارتۋ جوسپارلانىپ وتىر.
بۇدان كەيىن رەسپۋبليكالىق سايلاۋالدى شتابتىڭ مۇشەلەرى شىمكەنت قالالىق جۇمىسپەن قامتۋ ورتالىعىندا بولدى. وندا اماناتتىقتار پارتيانىڭ حالىقتى تۇراقتى جۇمىس جانە لايىقتى تابىسپەن قامتۋ باعىتىنداعى جوسپارىمەن ءبولىستى. ماقسات تولىقبايدىڭ ايتۋىنشا, پارتيا الەۋمەتتىك ماڭىزدى كاسىپ يەسى – مادەنيەت سالاسىنىڭ مامانى, كىتاپحاناشى, توتەنشە جاعداي, تابيعاتتى قورعاۋ, ورمان جانە بالىق شارۋاشىلىعى قىزمەتكەرلەرىنىڭ جالاقىسىن ارتتىرۋعا ىقپال ەتەدى. ۇكىمەتتىڭ 2027 جىلعا دەيىن مەديتسينا قىزمەتكەرلەرىنىڭ ورتاشا جالاقىسىن ەكى ەسە ارتتىرۋىن قامتاماسىز ەتۋ دە كوزدەلىپ وتىر. تەحنولوگيالىق كاسىپكەرلىكتى دامىتۋ ارقىلى ەكونوميكاداعى جوعارى ەڭبەكاقى تولەنەتىن جۇمىس ورىندارىنىڭ ۇلەسىن ارتتىرۋ, سونداي-اق, دەربەس جۇمىسكەرلەر – تاكسي جۇرگىزۋشىسى, دەلدال, فريلانسەرلەردىڭ ەڭبەك قۇقىعى مەن مۇددەسىن قورعاۋعا باسا نازار اۋدارىلماق.
سونداي-اق شتاب مۇشەلەرى شىمكەنت قالاسىندا بەلسەندى جاستارمەن كەزدەسىپ, «جاستار رۋحى» جاستار قاناتى مۇشەلەرىمەن بىرگە «ەسىكتەن ەسىككە» اكتسياسىنا قاتىستى. سونىمەن بىرگە قالاداعى «بارىس» بازارىندا ساۋدا سالاسىنىڭ قىزمەتكەرلەرىمەن جانە ءوزىن-ءوزى جۇمىسپەن قامتىعان جاستارمەن ەكسپرومت-كەزدەسۋ ءوتتى.
كانديدات الداعى سايلاۋ مەملەكەت باسشىسى قاسىم-جومارت توقاەۆتىڭ باستاماسىمەن ىسكە اسىپ جاتقان اۋقىمدى ساياسي رەفورمالاردىڭ لايىقتى جالعاسى ەكەنىن اتاپ ءوتتى.
