تۋرعا پارتيا توراعاسى ايداربەك قوجانازاروۆ, پارلامەنت ءماجىلىسىنىڭ دەپۋتاتتىعىنا كانديداتتار قىرمىزى جاندوسوۆا, دينارا ناۋموۆا, ەكاتەرينا سمولياكوۆا, ولجاس بولاتبەك ۇلى جانە ەرمەك ومىرزاقوۆ قاتىستى.
كەزدەسۋلەردىڭ بىرىندە ا.قوجانازاروۆ اتاپ وتكەندەي, پارتيا تاعى ءبىر ماڭىزدى بەلەستى ەڭسەردى: اتقارىلعان جۇمىستاردىڭ قورىتىندىسى بويىنشا حالىقتى جالپى قامتۋ قازىردىڭ وزىندە 1 000 000 ادامنان استى.
«بۇل كورسەتكىشتە ءبىزدىڭ ەلىمىز بويىنشا كۇندەلىكتى وتكىزەتىن حالىقپەن كەزدەسۋلەر دە, بارلىق اۋداندا جانە ءتۇرلى مەدياارنالار ارقىلى جۇرگىزىلىپ جاتقان باسقا دا كوممۋنيكاتسيالىق جۇمىستار دا ەسكەرىلگەن. ناقتى ناتيجەنى كەم دەگەندە پارتيا قاتارىنا وتۋگە تۇسكەن وتىنىشتەردىڭ سانىمەن ولشەۋگە بولادى: سوڭعى جاڭارتىلعان مالىمەتتەر بويىنشا ولاردىڭ جالپى سانى 153 مىڭعا دەيىن جەتتى», دەدى پارتيا جەتەكشىسى.
700-گە جۋىق ادام قاتىسقان پەتروپاۆل حالقىمەن كەزدەسۋدە پارتيالىقتار حالىقتىڭ تابىسىن ارتتىرىپ, قالادا دا, اۋىلدا دا تۇراتىن ازاماتتارعا تەڭ مۇمكiندiك تۋعىزۋ قاجەتتiگi تۋرالى ماسەلەلەر كوتەرىلدi.
«وڭىرلەردىڭ نەگىزگى ماسەلەلەرىن گرانتتار ءبولۋ ارقىلى ەمەس, ءبىلىم بەرۋ سالاسىن بيزنەسپەن تىعىز بىرىكتىرۋ ارقىلى شەشۋ كەرەك. بيزنەس ولاردىڭ قاجەتتىلىگىن شەشىپ وتىرادى, قانداي كادرلار قاجەت ەكەنىن دە ايتادى. ال كوللەدجدەر مەن ۋنيۆەرسيتەتتەر ءوز كەزەگىندە كادرلاردى دايارلاۋى كەرەك. بۇل – جۇمىسسىزدىق ماسەلەسىن شەشۋدىڭ بىردەن-ءبىر جولى», دەدى ولجاس بولاتبەك ۇلى.
قىرمىزى جاندوسوۆا قازاقستاندىق ءبىلىم بەرۋ جۇيەسىن قازىرگى زاماننىڭ شىندىعىنا بەيىمدەۋ كەرەكتىگىن ايتتى. ەڭ الدىمەن بۇل باعىتتا مەكتەپكە دەيىنگى ءبىلىم بەرۋ جۇيەسىن وزگەرتۋ قاجەت.
«Respublica» پارتياسىنىڭ سايلاۋالدى باعدارلاماسىنداعى باستامالاردىڭ ءبىرى – بالاباقشا تاربيەشىلەرىنىڭ مارتەبەسىن وزگەرتۋ. ولاردى ءبىلىم بەرۋ, وقىتۋ, ەڭبەكاقى جانە الەۋمەتتىك قامتاماسىز ەتۋ جاعىنان مەكتەپ مۇعالىمدەرىمەن تەڭەستىرۋ قاجەت», دەدى ق.جاندوسوۆا. ءوز كەزەگىندە دينارا ناۋموۆا مۇمكىندىگى شەكتەۋلى جانداردى وڭالتۋ ۇدەرىسىن جەتىلدىرۋ كەرەكتىگىن العا تارتتى.
