«مەن بۇنى ءبىزدىڭ ىنتىماقتاستىعىمىزدىڭ, وداقتاستاردىڭ ۋكرايناعا كورسەتكەن قولداۋى دەپ ەسەپتەيمىن جانە زەلەنسكي سامميتكە قاتىسادى دەپ ۇمىتتەنەمىن. ارينە, سوعىس بولىپ جاتقاندىقتان بۇل ۋكرايناداعى جاعدايعا بايلانىستى بولارى انىق», دەدى ستولتەنبەرگ ليتۆانىڭ LRT باسىلىمىنا بەرگەن سۇحباتىندا.
ونىڭ ايتۋىنشا, ۆيلنيۋستەگى سامميتتە ناتو-نىڭ شىعىس شەكاراسىنداعى جاعداي تالقىلانادى.
سونىمەن قاتار ستولتەنبەرگ ناتو ەلدەرىنىڭ بارلىعى قورعانىس ءۇشىن ءىجو-ءنىڭ كەم دەگەندە ەكى پايىزىن ءبولۋى كەرەك دەگەن ۇسىنىسقا كەلىسەدى دەپ ۇمىتتەنەتىنىن ايتتى.
