بۇگىنگى زامان – ءبىلىمدىنىڭ زامانى. قازىر كيىمىڭە قاراپ قارسى الىپ, بىلىمىڭە قاراپ شىعارىپ سالادى. تاۋەلسىز ەلىمىزدە وقۋشىلاردىڭ تەرەڭ ءبىلىم الۋ ءۇشىن بارلىق جاعداي جاسالعان. جامبىلدىق جاس ورەندەر وسى ءبىر كەڭدىكتى, مۇمكىندىكتى مولىنان پايدالانىپ ءجۇر. اتاپ ايتار بولساق, 2013-2014 وقۋ جىلىندا جامبىلدىق وقۋشىلار حالىقارالىق وليمپيادالار مەن عىلىمي بايقاۋلاردان باس-اياعى 62 مەدال يەلەنىپتى. ونىڭ 19-ى التىن, 20-سى كۇمىس جانە 23-ءى قولا مەدال.
نەگىزى دارىندى بالالار ءۇشىن جالپى ءبىلىم بەرۋ پاندەرى بويىنشا وتەتىن حالىقارالىق وليمپيادا ەڭ ءدۇبىرلى باسەكە بولىپ تابىلادى. ول ەكى باعىتتا, ماتەماتيكا جانە گۋمانيتارلىق پاندەر بويىنشا وتەدى. رەسپۋبليكالىق وليمپيادادا وبلىستان بارلىعى 79 وقۋشى باق سىناپ, ونىڭ 47-ءسى جۇلدەگەر اتاندى.
وسىدان كەيىن بيىل ەكىنشى جىل قاتارىنان جامبىلدىق وقۋشىلار رەسپۋبليكالىق وليمپيادا قورىتىندىسى بويىنشا ءبىرىنشى ورىندى جانە «ەڭ ۇزدىك وليمپيادالىق كوماندا» دەگەن اتاقتى يەمدەنىپ وتىر. ال, تاراز قالاسىنداعى قازاق-تۇرىك ەر بالالار مەكتەپ-ينتەرناتى التى جىلدان بەرى «ەڭ ۇزدىك وليمپيادالىق مەكتەپ» اتاعىن ەشكىمگە ۇستاتقان ەمەس. سونداي-اق, وسى وقۋ جىلىندا عىلىمي جارىستاردا 20 وقۋشى جۇلدەگەر اتانىپ, جامبىل وبلىسىنان بارعان توپ «2014 جىلعى عىلىمي جارىستاردىڭ ەڭ ۇزدىك كومانداسى» دەگەن ماراپاتقا قول جەتكىزدى.
وسىناۋ جەتىستىكتەرگە جامبىل وبلىسىنىڭ اكىمى كارىم كوكىرەكباەۆ جاس ورەندەرمەن بىرگە قۋانىپ, ايماقتىڭ ابىرويىن اسپانداتقان 113 دارىندى وقۋشىنى ارنايى قابىلداپ, ءتۇرلى سىي-سياپاتتار تاپسىردى. «بىلىمدىگە دۇنيە جارىق» دەگەن, اۋليە اتا ءوڭىرىنىڭ وقۋ ساپاسىن دالەلدەپ, العىرلىق تانىتىپ, ءبىلىم جولىنا شىنداپ تۇسكەن جامبىلدىق جاستار وسى قارقىنىمەن ءالى تالاي اسۋدى باعىندىراتىنى انىق.
ورالحان ءداۋىت,
«ەگەمەن قازاقستان».
تاراز.
نەگىزى دارىندى بالالار ءۇشىن جالپى ءبىلىم بەرۋ پاندەرى بويىنشا وتەتىن حالىقارالىق وليمپيادا ەڭ ءدۇبىرلى باسەكە بولىپ تابىلادى. ول ەكى باعىتتا, ماتەماتيكا جانە گۋمانيتارلىق پاندەر بويىنشا وتەدى. رەسپۋبليكالىق وليمپيادادا وبلىستان بارلىعى 79 وقۋشى باق سىناپ, ونىڭ 47-ءسى جۇلدەگەر اتاندى.
وسىدان كەيىن بيىل ەكىنشى جىل قاتارىنان جامبىلدىق وقۋشىلار رەسپۋبليكالىق وليمپيادا قورىتىندىسى بويىنشا ءبىرىنشى ورىندى جانە «ەڭ ۇزدىك وليمپيادالىق كوماندا» دەگەن اتاقتى يەمدەنىپ وتىر. ال, تاراز قالاسىنداعى قازاق-تۇرىك ەر بالالار مەكتەپ-ينتەرناتى التى جىلدان بەرى «ەڭ ۇزدىك وليمپيادالىق مەكتەپ» اتاعىن ەشكىمگە ۇستاتقان ەمەس. سونداي-اق, وسى وقۋ جىلىندا عىلىمي جارىستاردا 20 وقۋشى جۇلدەگەر اتانىپ, جامبىل وبلىسىنان بارعان توپ «2014 جىلعى عىلىمي جارىستاردىڭ ەڭ ۇزدىك كومانداسى» دەگەن ماراپاتقا قول جەتكىزدى.
وسىناۋ جەتىستىكتەرگە جامبىل وبلىسىنىڭ اكىمى كارىم كوكىرەكباەۆ جاس ورەندەرمەن بىرگە قۋانىپ, ايماقتىڭ ابىرويىن اسپانداتقان 113 دارىندى وقۋشىنى ارنايى قابىلداپ, ءتۇرلى سىي-سياپاتتار تاپسىردى. «بىلىمدىگە دۇنيە جارىق» دەگەن, اۋليە اتا ءوڭىرىنىڭ وقۋ ساپاسىن دالەلدەپ, العىرلىق تانىتىپ, ءبىلىم جولىنا شىنداپ تۇسكەن جامبىلدىق جاستار وسى قارقىنىمەن ءالى تالاي اسۋدى باعىندىراتىنى انىق.
ورالحان ءداۋىت,
«ەگەمەن قازاقستان».
تاراز.
