– ەگدە جاستاعى, زەينەت جاسىنا تاياعان جانە زەينەتتەگى ازاماتتاردىڭ ەڭبەگى سۇرانىسقا يە بولۋى كەرەك. زەينەتكەرلەر لايىقتى زەينەتاقى الۋعا, جاقسى تاماقتانۋعا, ساپالى جانە قولجەتىمدى ەم الۋعا, بەلسەندى ءومىر سالتىن ۇستانۋعا مۇمكىندىگى بولۋعا ءتيىس. ءار ازامات مەملەكەت قامقورلىعىن سەزىنۋى قاجەت, – دەدى شتاب مۇشەسى دۇيسەنباي تۇرعانوۆ.
شتاب مۇشەلەرى قالا جاستارىمەن دە پىكىر الماستى. پارتيالىقتار ءبىلىم سالاسىنىڭ ساپاسى مەن ونىڭ قولجەتىمدىلىگىن ارتتىرۋ شارالارى جالعاساتىنىن جەتكىزدى. پارتيا ءبىلىم بەرۋ قىزمەتكەرلەرىنىڭ قۇقىقتارى جونىندەگى ۋاكىل ينستيتۋتىن زاڭنامالىق دەڭگەيدە بەكىتۋگە كۇش سالماق. بۇل كۇنى شتاب مۇشەلەرى «ەسىكتەن ەسىككە» اكتسياسى اياسىندا تۇرعىن ۇيلەردى ارالاپ, ۇگىت-ناسيحات جۇمىسىن جۇرگىزدى. اماناتتىقتاردىڭ ريددەردەگى ساپارى ەڭبەك ۇجىمىمەن كەزدەسۋدە تۇيىندەلىپ, پارتيالىقتار «قازمىرىشماش» ءوندىرىس كەشەنىندە سايلاۋالدى باعدارلامانىڭ باسىم باعىتتارىن ساراپتادى.
ال پاۆلودار وبلىسىنداعى سايلاۋالدى شتابىنا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ بايقاۋشىلارى مايا باربارا حيۋرليمانن مەن تيمو يۋحاني لاينە كەلدى.
وڭىرلىك شتاب باسشىسى, «Amanat» پارتياسىنىڭ پاۆلودار وبلىستىق فيليالىنىڭ توراعاسى يليا تەرەنچەنكو حالىقارالىق بايقاۋشىلاردىڭ شتاب جۇمىسى, كانديداتتاردى قولداۋ ماقساتىندا ۇيىمداستىرىلعان ۇگىت-ناسيحات ءىس-شارالارى, ۇگىت-ناسيحات ماتەريالدارىن تاراتۋ جۇمىسى تۋرالى سۇراقتارىنا جاۋاپ بەردى. سونىمەن قاتار بايقاۋشىلار شتابتىڭ ورنالاسقان جەرىمەن, ونىڭ مۇشەلەرىمەن, ۇگىت-ناسيحات ماتەريالدارىمەن تانىستى.
ايتا كەتەيىك, ەقىۇ ميسسياسى قازاقستانداعى كەزەكتەن تىس پارلامەنتتىك سايلاۋدى باقىلاۋعا كىرىستى. دەلەگاتسيا قۇرامىنا 11 حالىقارالىق ساراپشى, 32 ۇزاق مەرزىمدى جانە 300 قىسقا مەرزىمدى بايقاۋشى كىردى. ولار سايلاۋ ناۋقان, ونىڭ ىشىندە الەۋمەتتىك مەديانى مۇقيات قاداعالايدى.
