قوعامدىق كوميسسيانىڭ وتىرىسى

قازاقستان  پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىعىن تاعايىنداۋ, گرانتتارىن تاپسىرۋ جانە العىسىن جاريالاۋ جونىندەگى قوعامدىق كوميسسيانىڭ وتىرىسى ءوتتى, دەپ حابارلادى پرەزيدەنتتىڭ ءباسپاسوز قىزمەتى. وتىرىسقا كوميسسيا مۇشە­لەرى – بۇقارالىق اقپارات قۇرال­دارى­نىڭ, شىعارماشىلىق وداق­تاردىڭ, جۋرناليستەر قوعامدىق بىرلەستىكتەرىنىڭ جانە مۇددەلى مەملەكەتتىك ورگانداردىڭ وكىلدەرى قاتىستى. وتىرىسقا  قاتىسۋشىلار بۇ­قا­رالىق اقپارات قۇرالدارىنىڭ مەملەكەتتىلىكتى نىعايتۋداعى ماڭىزدى رولىنە نازار اۋداردى. بيىل قوعامدىق كوميسسيا اتىنا 57  ۇسىنىم كەلىپ ءتۇستى, سو­نىڭ ىشىندە 48-ءى جۋرناليستەرگە, 9-ى شىعارماشىلىق ۇجىمدارعا قاتىستى بولدى. بۇل رەتتە 41 ۇسىنىمدى ءباسپاسوز,   16 ۇسىنىمدى ەلەكتروندى باق جولدادى. كوميسسيا مۇشەلەرى جۋر­نا­ليستىك جۇمىستار دەڭگەيىنىڭ جوعارى بولعانىن, سونداي-اق, ولار­دىڭ قازاقستاننىڭ بۇگىن­گى دامۋىنداعى ماڭىزدى قوعام­دىق-ساياسي جانە الەۋمەتتىك-ەكو­نوميكالىق ماسەلەلەردى جاريالاپ-كورسەتۋگە قوسقان ۇلەسىن اتاپ ءوتتى. تالقىلاۋ قورىتىندىسى بويىنشا قوعامدىق كوميسسيا اشىق داۋىس بەرۋ ارقىلى باق وكىلدەرىنە پرەزيدەنتتىڭ ەكى سىيلىعىن تا­عايىنداۋ, ەكى گرانتىن تاپسىرۋ جانە پرەزيدەنتتىڭ العىسىن ءتورت شىعارماشىلىق ۇجىمعا جاريا­لاۋ جونىندە مەملەكەت باسشىسىنا ۇسىنىس بەرۋ تۋرالى ءبىراۋىزدان شەشىم شىعاردى.