جاڭا اكىم تاعايىندالدى

قوستاناي قالاسىنىڭ اكىمى اۋىستى. وبلىس اكىمى نۇرالى ءسا­دۋا­قاسوۆ قوستاناي قالاسىنىڭ ءماسليحاتى دەپۋتاتتارىنىڭ كەلىسى­مىمەن قالا اكىمى ەتىپ احمەدبەك احمەتجانوۆتى تاعايىندادى. احمەدبەك ماساقباي ۇلى وسىعان دەيىن وبلىس ورتالىعىنىڭ ىرگە­سىندەگى قوستاناي اۋدانىن باس­قارعان بولاتىن. اۋدان كورسەت­كىشتەرى بويىنشا وبلىس اۋداندارى اراسىندا الدىڭعى قاتاردان كورىنىپ كەلەدى. ول وزىنە بىلدىرگەن سەنىم ءۇشىن راحمەت ايتتى جانە قالا اكتيۆىمەن ءتىل تابىسا وتىرىپ, ومىرلىك باستامالاردى بىرگە جۇزەگە اسىرۋ ءۇشىن ءبىلىمى مەن بىلىگىن اياماي قىزمەت ەتەتىنىنە سەندىردى. قوستاناي قالاسىنىڭ بۇرىنعى اكىمى عاۋەز نۇرماعامبەتوۆ قازاق­ستان رەسپۋبليكاسى پرەزيدەنتى اكىم­شىلىگىنىڭ ينسپەكتورى قىز­مە­تىنە تاعايىندالدى. ول قالا اكىمى بولعان كەزدە قوستانايدى كور­كەيتۋدە ۇلكەن جۇمىستار اتقارىلدى. – وبلىس ورتالىعى – كۇردەلى مەحانيزم, ونى عاۋەز تورسان ۇلى ابىرويلى باسقاردى, – دەپ اتاپ ءوتتى وبلىس اكىمى. ال قوستاناي اۋدانىنىڭ تىزگىنىن ءتاۋبا يساباەۆ ۇستادى. ول ونشاقتى جىل وبلىس اكىمى اپپاراتى جەتەكشىسىنىڭ ورىنباسارى بولىپ ىستەگەن. ءنازيرا جارىمبەتوۆا, «ەگەمەن قازاقستان». قوستاناي.