وبلىستىق پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرى ۇيىمداستىرعان ءىس-شارادا داڭقتى سپورتشى تابىسقا جەتۋ ءۇشىن تالماي ەڭبەك ەتۋ كەرەكتىگىن اتاپ ءوتتى. سونداي-اق ول ءوز سوزىندە جاستاردىڭ سپورتپەن شۇعىلدانۋىنا مەملەكەت تاراپىنان بارلىق جاعداي قاراستىرىلعانىن ءسوز ەتتى.
«سپورتشى بولعىسى كەلەتىن ادام سالاماتتى ءومىر سالتىن ۇستانۋى كەرەك. ادام بالاسى جاستايىنان دەنساۋلىققا كەرى اسەر ەتەتىن دۇنيەلەردەن الشاق بولعانى ءجون. جەڭىستىڭ كىلتى – تىنىمسىز ەڭبەكتە. وقۋشىلار بالا كەزدەن سالاماتتى ءومىر سالتىن ۇستانىپ, سپورتپەن شۇعىلدانسا, باعىندىرمايتىن بيىك بولمايدى. قازىرگى جاستار وسىنى ەستەن شىعارماسا ەكەن», دەيدى پاراليمپيادا چەمپيونى كەزدەسۋ بارىسىندا.
ءىس-شارا بارىسىندا مەكتەپ وقۋشىلارى كوكەيلەرىندە جۇرگەن ساۋالدارىن جولداپ, سپورتشى تاراپىنان ماردىمدى جاۋاپ الدى. ءبىلىم الۋشىلار چەمپيونمەن جۇزدەسۋدە كاسىبي سپورتپەن شۇعىلدانۋدىڭ, رەجىمدى ۇستانۋدىڭ قىر-سىرىنا قانىعىپ, الداعى ۋاقىتتا وزدەرى قالاعان سپورت سەكتسياسىنا جازىلىپ, ەلىمىزدىڭ كوك تۋىن كوكتە جەلبىرەتۋ جولىندا ايانىپ قالمايتىندارىن ايتتى.
تاراز
