التى جەڭىل كولىككە يە بولدى

قارجى پوليتسياسى ورگاندا­رى­نىڭ قۇرىلعان كۇنىنە وراي تالدى­قورعانداعى ماڭگىلىك الاۋدىڭ الدىندا الماتى وبلىسى بويىنشا ەكو­نوميكالىق قىلمىسقا جانە سىبايلاس جەمقورلىققا قارسى كۇرەس (قارجى پوليتسياسى) دەپارتامەنتى قىزمەت­كەرلەرىنىڭ انت قابىلداۋ ءراسىمى ءوتتى. مادەنيەت سارايىندا جالعاس­قان مەرەكەلىك شارانى دەپارتامەنت باس­تىعى, قارجى پوليتسياسىنىڭ پولكوۆ­نيگى تالعات سادۋاقاسوۆ اشىپ, ءارىپ­تەستەرىن ءتول مەرەكەسىمەن قۇتتىقتادى. وڭىردەگى ەلەۋلى شاراعا ارنايى كەلىپ قاتىسقان الماتى وبلىسىنىڭ اكىمى اڭسار مۇساحانوۆ: «ەلىمىز تاۋەلسىزدىك الىپ, دەربەس مەملەكەت اتانعان شاقتا ەلباسى نۇرسۇلتان نازارباەۆ الدىمىزعا قوعامنىڭ قاي سالاسىندا بولسىن تۇبەگەيلى وزگەرىستەر ەنگىزۋ مەن جاڭا جۇيە قۇرۋ مىندەتىن قويعانى ءمالىم. ونىڭ ناتيجەسى وتپەلى كەزەڭدە كورىندى. ناقتىلاي تۇسسەك, ەل ەكونوميكاسىنىڭ تۇرالاعان شاعىندا وزگە سالالار سەكىلدى قارجى پوليتسياسى ورگاندارى دا حالىق تۇرمىسىنىڭ تۇزەلۋىنە, مەملەكەت قازىناسىنىڭ تۇرعىن­دار مۇددەسىنە جۇمسالۋىنا قىرا­عىلىقپەن اتسالىستى. ءسويتىپ, ەل ەڭسەسى تىكتەلىپ, الەۋمەتتىڭ احۋالى جاقساردى» دەدى وبلىس اكىمى. مەرەكەلىك شارادا قازاق­­ستان رەسپۋبليكاسىنىڭ ەكونو­ميكالىق قىلمىسقا جانە سى­باي­لاس جەمقور­لىققا قارسى كۇرەس اگەنتتىگىنىڭ توراعا­سى راشيد تۇسىپبەكوۆتىڭ ارناۋلى بۇيرىعىمەن اتالعان دەپارتا­مەنتتىڭ قىزمەتكەرلەرى قىز­مە­تتەگى تابىستارى ءۇشىن «قازاق­ستان رەسپۋبليكاسى قارجى پوليتسياسىنا 20 جىل» ءتوس­بەلگىسىمەن, العىس حاتىمەن, گراموتامەن بارلىعى 53 قىزمەتكەر ماراپاتتالسا, الماتى وبلىسىنىڭ اكىمى اڭسار مۇساحانوۆ 6 جەڭىل اۆتوكولىكتىڭ كىلتىن تاپسىردى. نۇربول الدىباەۆ, «ەگەمەن قازاقستان». الماتى وبلىسى.