ەنەرگەتيكالىق تيىمدىلىك ءۇشىن

كەشە استانادا ەل ۇكىمەتى مەن دۇنيەجۇزىلىك بانكىنىڭ اراسىندا 21,7 ميلليون اقش دوللار سوماسىنا قازاقستاننىڭ ەنەرگەتيكالىق تيىمدىلىگىن ارتتىرۋ جوباسىن جۇزەگە اسىرۋ تۋرالى گرانتتىق كەلىسىمگە قول قويىلدى. اتالعان كەلىسىمگە ۇكىمەت تاراپىنان پرەمەر-ءمينيستردىڭ ورىنباسارى –يندۋستريا جانە جاڭا تەحنولوگيالار ءمينيسترى اسەت يسەكەشەۆ, ال دۇنيەجۇزىلىك بانك جاعىنان ونىڭ قازاقستانداعى تۇراقتى وكىلى شەبنەم اككايا قول قويدى. شارا بارىسىندا پرەمەر-ءمينيستردىڭ ورىنباسارى – ين­دۋستريا جانە جاڭا تەحنولوگيا­لار ءمينيسترى ءا.يسەكەشەۆ جوبانى جۇزەگە اسىرۋ كەزىندە ەل­دىڭ بارلىق وبلىستارىنداعى مەم­لە­كەتتىك, الەۋمەتتىك ماڭىزى بار نىسانداردىڭ جاڭ­عىرتىلۋى جوسپارلانعانىن ءجا­نە ولاردىڭ ىشىندە مەكتەپتەر, بالا­باق­شالار, اۋرۋحانالار مەن كوشە جا­رىقتاندىرۋ جوبالارى دا بار ەكەنىن اتاپ ءوتتى. سونداي-اق, قا­راجات ينستيتۋتتىق بازانى جاق­سارتۋعا جانە ەنەرگەتيكا سالا­سىن قارجىلاندىرۋدىڭ تۇراق­تى مەحانيزمدەرىن قۇرۋعا باعىتتالماق. دب-ءنىڭ قازاقستانداعى تۇ­راق­تى وكىلى ش.اككايا ەنەرگەتيكالىق تيىمدىلىكتى ارتتىرۋ ءۇشىن قولايلى جاعدايلار قۇرۋداعى ۇكىمەت جەتىستىكتەرىن ايرىقشا اتاي كەلە, دۇنيەجۇزىلىك بانك ءوز سەرىكتەسىن جوبانى جۇزەگە اسىرۋ بارىسىندا الەمدەگى ەڭ جاقسى تاجىريبەمەن ءبولىسۋ, ينستيتۋتتىق الەۋەتتى دامىتۋ ارقىلى قولداۋعا دايىن ەكەندىگىن جەتكىزدى. اتالمىش جوبانى ىسكە اسى­رۋ بارىسىن باقىلاۋ مەن ۇيلەس­تىرۋ يندۋستريا جانە جاڭا تەح­نو­لوگيالار مينيسترلىگىنە جۇك­تەلدى. ءابدىراحمان قىدىربەك, «ەگەمەن قازاقستان».