مەكتەپ ديرەكتورلارىمەن كەزدەستى

ءبىلىم جانە عىلىم ءمينيسترى اسلان ءسارىنجىپوۆ ۇبت بويىنشا جوعارى كورسەتكىشكە قول جەتكىزگەن مەكتەپ ديرەكتورلارىن قۇتتىقتادى. وعان تۇلەكتەرى ۇبت-دان بىرنەشە جىل قاتارىنان جوعارى بالل جيناپ جۇرگەن ون مەكتەپ ديرەكتورى قاتىستى. «ەل يگىلىگى ءۇشىن ەڭ ماڭىزدى جۇمىس اتقارىپ جۇرگەن جانسىزدار. تاۋەلسىز مەملەكەتتىڭ بولاشاعى سىزدەردىڭ قولدارىڭىزدا. ەلباسى ايتقان دامىعان 30 ەلدىڭ قاتارىنا قوسىلۋدىڭ باستى كەپىلى – ءبىلىمدى ۇرپاق تاربيەلەۋ. رەسپۋبليكا بويىنشا بىرنەشە جىل قاتارىنان جوعارى بالل جيناعان شاكىرتتەردى وقىتۋ ارقىلى سىزدەر ەلباسى بەرگەن تاپسىرمانى ورىنداپ كەلەسىزدەر», دەپ اتاپ ءوتتى مينيستر. كەزدەسۋ تەك قۇتتىقتاۋ-تىلەك­تەردەن عانا تۇرعان جوق. اسلان ءسارىن­جىپوۆ پەداگوگتاردان بۇگىنگى ءبىلىم بەرۋ جۇيەسى مەن بىرنەشە جىل قاتارىنان قوعامدا ۇلكەن داۋعا اينالىپ كەلە جاتقان ۇبت جايلى وي-پىكىرلەرىن دە سۇرادى. «بۇگىندە ۇبت تۋرالى پىكىرلەر كوپ. الايدا, وسى ءادىس ەنگىزىلگەن 11 جىل ىشىندە كوزىمنىڭ جەتكەنى, ون جىل وقىعان بالا ءبىلىمىن كەز كەلگەن جەردە دالەلدەي الادى. ۇبت ۇستازدار ءۇشىن دە, وقۋشىلار ءۇشىن دە ىڭعايلى. دەگەنمەن, بۇرىننان كەلە جاتسا دا, اراسىندا دامىعان ەلدەردىڭ ءتيىمدى تاسىلدەرىنەن ساباق الىپ وتىرۋ دا ارتىقتىق ەتپەيدى», – دەدى الماتى قالاسىنداعى №159 مەكتەپ-گيمنازياسىنىڭ ديرەكتورى اياگۇل ميرازوۆا. سونىمەن قاتار, ۇستازدار اۋىل مەن قالا مەكتەپتەرى اراسىنداعى ايىر­ماشىلىقتى جويۋ, وقۋ-اعارتۋ جۇيەسىن حالىقارالىق ستان­دارت­تارعا ساي رەفورمالاۋعا قاتىستى وي-پىكىرلەرىن ءبىلدىردى. «ەگەمەن-اقپارات».