ۇستانىمدار ۇقساستىعى اتالدى

حانوي قالاسىندا قازاقستان رەسپۋبليكاسىنىڭ ۆەتنامداعى ەلشىسى بەكەتجان جۇماحانوۆتىڭ ۆەتنام سوتسياليستىك رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى فام بين مينمەن كەزدەسۋى ءوتتى. تاراپتار ساياسي, ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى جانە كوپجاقتى ىنتىماقتاستىقتىڭ قازىرگى كۇيى مەن كەلەشەگىن تالقىلادى. ءوزارا قىزىعۋشىلىق تۋدىراتىن ءتۇرلى سالالارداعى ىنتىماقتاستىقتى ودان ءارى نىعايتۋداعى ءوزارا مۇددەلىلىك ءبىلدىرىلدى. سونىمەن قاتار, حالىقارالىق كۇن ءتارتىبىنىڭ كوپتەگەن ماسەلەلەرى بويىنشا ەكى ەل ۇستانىمدارىنىڭ ۇقساستىعى اتاپ ءوتىلدى. قازاقستاننىڭ ۆەتنامداعى ەلشىلىگىنىڭ اشىلۋىنا بايلانىستى فام بين مين ساۋدا-ەكونوميكالىق ىنتىماقتاستىقتىڭ, سونداي-اق, ۆەتنامنىڭ كەدەن وداعىن ەركىن ساۋدا ايماعىن قۇرۋ ماسەلەسىندەگى ءوزارا ءىس-قيمىلدى دامىتۋدىڭ زور بولاشاعى اتاپ ءوتىلدى. كەزدەسۋ بارىسىندا قازاقستاندىق ديپلومات 2017-2018 جىلدارى بۇۇ قاۋىپسىزدىك كەڭەسىنە تۇراقتى ەمەس مۇشە رەتىندە قازاقستاننىڭ كانديداتۋراسىن ۇسىنۋ تۋرالى قازاقستان سىرتقى ىستەر ءمينيسترى ە.ىدىرىسوۆتىڭ جەكە جولداۋىن تاپسىردى. «ەگەمەن-اقپارات».