كەشە ەلورداداعى «قازاق ەلى» الاڭىندا استانا قالاسى اكىمى يمانعالي تاسماعامبەتوۆ ۇلتتىق بىرىڭعاي تەستىلەۋ قورىتىندىسى بويىنشا وزدەرىنىڭ ءبىلىمىن دالەلدەگەن 92 «التىن بەلگى» يەگەرلەرىنە ارنايى توسبەلگىلەرىن سالتاناتتى تۇردە تابىس ەتتى. ءسويتىپ, باس شاھار اكىمى جىلداعى ءداستۇر بويىنشا جاس تۇلەكتەرگە اق جول تىلەدى.
«بۇگىن جىلداعى يگى داستۇرمەن استانانىڭ اشىق اسپانى استىندا, ەلىمىزدىڭ ەڭ باستى الاڭىندا ەلوردا جاستارىنىڭ تاعى ءبىر جاڭا تولقىنىنىڭ ەر جەتىپ, ەسەيگەن ساتىنە كۋا بولىپ وتىرمىز. ۇلى اباي بالانى وقىتۋعا اركىم قۇشتار, دەسە دە ول ءبىر ارمان قولدان ۇشقان دەپ تەبىرەنگەن ەكەن. راسىندا دا, بۇگىنگىدەي ساۋاتتى ۇرپاق تاربيەلەۋ كەشەگى اتا-بابانىڭ سان عاسىرلىق اڭسارى ەدى. ەندى, مىنە, ءبىزدىڭ ۇرپاق ءۇشىن بۇل – تاعدىردىڭ بەرگەن باعاسىز مۇمكىندىگى, تاۋەلسىز مەملەكەتىمىزدىڭ مارتەبەلى مىندەتى. سوندىقتان دا بۇگىنگى زامان بالانى قايدا وقىتامىن دەگەن ارماننان ەمەس, قايدا وقىتامىن دەگەن تاڭداۋدان تۇرادى. وسى كۇنى بۇل تاڭداۋ ەلىمىزدىڭ باس قالاسىندا ەلباسىنىڭ وسيەتىمەن ءبىلىم الىپ, ءتالىم جيعان, تاربيە كورىپ, ارمان قۋعان ۇل-قىزدارىمىزدىڭ الدىندا تۇر», – دەدى ي.تاسماعامبەتوۆ.
«وقۋشىنىڭ ءبىلىم ناتيجەسى باعاسىنان كورىنەدى. ال ونىڭ بىرەگەي كورسەتكىشى – «التىن بەلگى». اتاپ ايتۋ كەرەك, وسىدان 16 جىل بۇرىن استانادا بۇل توسبەلگىنى تەك 1 عانا وقۋشى يەلەنسە, بيىل 91 بالا «التىن بەلگى» تاعىپ, اقجولتاي ءۇمىتتى اقتاپ شىقتى. ال جالپى, كۇنى كەشە وتكەن ۇبت-نى قالامىزدىڭ ۇزىن سانى 3252 وقۋشىسى تاپسىرىپ, 1081 بالا 100-دەن جوعارى بالل جينادى. مۇنىڭ ءوزى – ۇلكەن كورسەتكىش, زور ماقتانىش. ارداقتى جاستار, سىزدەر كورسەتكەن بۇل جەتىستىك – وزدەرىڭىزدەن كەيىنگى ءىنى-قارىنداستارىڭىزدىڭ ىنتاسىن وياتىپ, «مەن استانالىق وقۋشىمىن» دەگەن سەزىمىنە سەرپىن بەرەتىن ۇلكەن ۇلگى, ماقتان تۇتار ونەگە. مۇنىڭ ءوزى – سىزدەر وتكەن ءومىردىڭ العاشقى مەجەسى, ال ەندىگى تاعدىر – تەك ءوز قولدارىڭىزدا. دەسە دە, زايىرلى ءومىر ۇزدىكسىز تالاپ, تالپىنىس پەن ۇمتىلىستان, ۇيرەنۋ مەن ىزدەنۋدەن, جاڭارۋ مەن جاڭعىرۋدان تۇرادى. بۇل ءاربىرىڭىز ۇنەمى ەستە ۇستايتىن ۇراندى اقيقات. مەن سىزدەردىڭ الەمنىڭ وزىق كوشىنەن قالماي, ۋاقىتتىڭ تالابىنان تالماي, تالاي تابىستىڭ بيىگىنەن كورىنەتىندەرىڭە كامىل سەنىمدىمىن. ويتكەنى, سىزدەردىڭ بويلارىڭىزدا استانانىڭ اسقاق رۋحى مەن جۇرەكتەرىڭىزدە ەلباسى جاققان جالىنى بار. وسىنى ەستەن شىعارماڭىزدار. ولاي بولسا, وسىناۋ قۋانىشتى كۇنى بارشاڭىزعا تەك ساتتىلىك تىلەيمىن. ءومىر جولدارىڭىز جارىق بولعاي!» – دەي كەلە, ءار تۇلەككە ءوز قولىمەن توسبەلگى تابىس ەتتى. بۇل قۇرمەتكە الدىمەن 124 بالل جيناعان ءۇش تۇلەك يە بولدى. ولار: №48 مەكتەپ-ليتسەيدەن عايني دۇكەنقىزى ءماسىمحان مەن نازگۇل ەسەن جانە №54 مەكتەپ-ليتسەيدەن اياجان ساتەنوۆا بولىپ شىقتى.
ەندىگى جەردە ەڭبەكپەن العا ۇمتىلىپ, قالاعان جەتىستىككە ادال ەڭبەك ارقىلى جەتۋدى تاعى ءبىر رەت قايتالاپ وتكەن استانا قالاسىنىڭ اكىمىنە جاس تۇلەكتەر الاڭسىز ءبىلىم الىپ, العاشقى جەتىستىكتەرىنە قول جەتكىزۋگە مۇمكىندىك بەرگەن اتا-انالارىنا, ۇستازدارى مەن قالا باسشىسىنا, ەلباسى ن.نازارباەۆقا العىسىن جەتكىزدى.
2013-2014 وقۋ جىلىندا استانا قالاسىنداعى مەكتەپتەردىڭ 4042 وقۋشىسى جاس تۇلەك اتانعان. ولاردىڭ 80,5 پايىزى ۇبت-عا جىبەرىلىپ, جالپى ءبىلىم بەرەتىن پاندەر بويىنشا قورىتىندى ەمتيحاندى 790 وقۋشى تاپسىرعان. ال بيىلعى جىلدىڭ ورتاشا بالدىق كورسەتكىشى – 87,58 پايىزدى قۇراعان. سونىمەن قاتار, 362 وقۋشى اقش, برازيليا, گوللانديا, گرۋزيا, يندونەزيا, رەسەي, تۇركيا, قىتاي, كيپر, كورەيا, ءۇندى مەملەكەتتەرىندە وتكەن حالىقارالىق وليمپيادالار مەن عىلىمي جوبالار بايقاۋىنا قاتىسىپ, 234 مەدال يەلەنىپتى. 158 وقۋشى جالپى ورتا ءبىلىم پاندەرى بويىنشا رەسپۋبليكالىق عىلىمي جوبالار بايقاۋى مەن وليمپيادالارعا قاتىسقان. 85 قاتىسۋشى جۇلدەگەر اتانىپ, مەدالدارمەن ماراپاتتالعان. رەسپۋبليكالىق وليمپيادا مەن عىلىمي جوبالار بايقاۋىندا استانا قالاسىنىڭ كومانداسى 7 جىل قاتارىنان جالپىكوماندالىق ەسەپتە ءى ورىنعا يە بولىپ, رەسپۋبليكا بويىنشا «ۇزدىك كوماندا» اتانعان.
ۇكىلى ءۇمىتتى, ۇلبىرەپ تۇرعان جاستارعا قاراساڭ كوز تويمايدى. قىزىعا ءارى قۋانا قارايسىڭ. سەن تۇر, مەن اتايىن دەپ, جالىنداپ تۇرعان سۇلۋ دا سىمباتتى جاستارعا قاراپ تۇرىپ, ەرتەڭگى بولاشاققا دەگەن سەنىمىڭ كۇشەيە تۇسكەندەي. ماعجان اقىن ايتقان ارىستانداي ايباتتى, جولبارىستاي قايراتتى, قىرانداي كۇشتى قاناتى بار ەلوردالىق تۇلەكتەرگە ءبىز دە اق جول تىلەيمىز!
ۆەنەرا تۇگەلباي,
«ەگەمەن قازاقستان».
«بۇگىن جىلداعى يگى داستۇرمەن استانانىڭ اشىق اسپانى استىندا, ەلىمىزدىڭ ەڭ باستى الاڭىندا ەلوردا جاستارىنىڭ تاعى ءبىر جاڭا تولقىنىنىڭ ەر جەتىپ, ەسەيگەن ساتىنە كۋا بولىپ وتىرمىز. ۇلى اباي بالانى وقىتۋعا اركىم قۇشتار, دەسە دە ول ءبىر ارمان قولدان ۇشقان دەپ تەبىرەنگەن ەكەن. راسىندا دا, بۇگىنگىدەي ساۋاتتى ۇرپاق تاربيەلەۋ كەشەگى اتا-بابانىڭ سان عاسىرلىق اڭسارى ەدى. ەندى, مىنە, ءبىزدىڭ ۇرپاق ءۇشىن بۇل – تاعدىردىڭ بەرگەن باعاسىز مۇمكىندىگى, تاۋەلسىز مەملەكەتىمىزدىڭ مارتەبەلى مىندەتى. سوندىقتان دا بۇگىنگى زامان بالانى قايدا وقىتامىن دەگەن ارماننان ەمەس, قايدا وقىتامىن دەگەن تاڭداۋدان تۇرادى. وسى كۇنى بۇل تاڭداۋ ەلىمىزدىڭ باس قالاسىندا ەلباسىنىڭ وسيەتىمەن ءبىلىم الىپ, ءتالىم جيعان, تاربيە كورىپ, ارمان قۋعان ۇل-قىزدارىمىزدىڭ الدىندا تۇر», – دەدى ي.تاسماعامبەتوۆ.
«وقۋشىنىڭ ءبىلىم ناتيجەسى باعاسىنان كورىنەدى. ال ونىڭ بىرەگەي كورسەتكىشى – «التىن بەلگى». اتاپ ايتۋ كەرەك, وسىدان 16 جىل بۇرىن استانادا بۇل توسبەلگىنى تەك 1 عانا وقۋشى يەلەنسە, بيىل 91 بالا «التىن بەلگى» تاعىپ, اقجولتاي ءۇمىتتى اقتاپ شىقتى. ال جالپى, كۇنى كەشە وتكەن ۇبت-نى قالامىزدىڭ ۇزىن سانى 3252 وقۋشىسى تاپسىرىپ, 1081 بالا 100-دەن جوعارى بالل جينادى. مۇنىڭ ءوزى – ۇلكەن كورسەتكىش, زور ماقتانىش. ارداقتى جاستار, سىزدەر كورسەتكەن بۇل جەتىستىك – وزدەرىڭىزدەن كەيىنگى ءىنى-قارىنداستارىڭىزدىڭ ىنتاسىن وياتىپ, «مەن استانالىق وقۋشىمىن» دەگەن سەزىمىنە سەرپىن بەرەتىن ۇلكەن ۇلگى, ماقتان تۇتار ونەگە. مۇنىڭ ءوزى – سىزدەر وتكەن ءومىردىڭ العاشقى مەجەسى, ال ەندىگى تاعدىر – تەك ءوز قولدارىڭىزدا. دەسە دە, زايىرلى ءومىر ۇزدىكسىز تالاپ, تالپىنىس پەن ۇمتىلىستان, ۇيرەنۋ مەن ىزدەنۋدەن, جاڭارۋ مەن جاڭعىرۋدان تۇرادى. بۇل ءاربىرىڭىز ۇنەمى ەستە ۇستايتىن ۇراندى اقيقات. مەن سىزدەردىڭ الەمنىڭ وزىق كوشىنەن قالماي, ۋاقىتتىڭ تالابىنان تالماي, تالاي تابىستىڭ بيىگىنەن كورىنەتىندەرىڭە كامىل سەنىمدىمىن. ويتكەنى, سىزدەردىڭ بويلارىڭىزدا استانانىڭ اسقاق رۋحى مەن جۇرەكتەرىڭىزدە ەلباسى جاققان جالىنى بار. وسىنى ەستەن شىعارماڭىزدار. ولاي بولسا, وسىناۋ قۋانىشتى كۇنى بارشاڭىزعا تەك ساتتىلىك تىلەيمىن. ءومىر جولدارىڭىز جارىق بولعاي!» – دەي كەلە, ءار تۇلەككە ءوز قولىمەن توسبەلگى تابىس ەتتى. بۇل قۇرمەتكە الدىمەن 124 بالل جيناعان ءۇش تۇلەك يە بولدى. ولار: №48 مەكتەپ-ليتسەيدەن عايني دۇكەنقىزى ءماسىمحان مەن نازگۇل ەسەن جانە №54 مەكتەپ-ليتسەيدەن اياجان ساتەنوۆا بولىپ شىقتى.
ەندىگى جەردە ەڭبەكپەن العا ۇمتىلىپ, قالاعان جەتىستىككە ادال ەڭبەك ارقىلى جەتۋدى تاعى ءبىر رەت قايتالاپ وتكەن استانا قالاسىنىڭ اكىمىنە جاس تۇلەكتەر الاڭسىز ءبىلىم الىپ, العاشقى جەتىستىكتەرىنە قول جەتكىزۋگە مۇمكىندىك بەرگەن اتا-انالارىنا, ۇستازدارى مەن قالا باسشىسىنا, ەلباسى ن.نازارباەۆقا العىسىن جەتكىزدى.
2013-2014 وقۋ جىلىندا استانا قالاسىنداعى مەكتەپتەردىڭ 4042 وقۋشىسى جاس تۇلەك اتانعان. ولاردىڭ 80,5 پايىزى ۇبت-عا جىبەرىلىپ, جالپى ءبىلىم بەرەتىن پاندەر بويىنشا قورىتىندى ەمتيحاندى 790 وقۋشى تاپسىرعان. ال بيىلعى جىلدىڭ ورتاشا بالدىق كورسەتكىشى – 87,58 پايىزدى قۇراعان. سونىمەن قاتار, 362 وقۋشى اقش, برازيليا, گوللانديا, گرۋزيا, يندونەزيا, رەسەي, تۇركيا, قىتاي, كيپر, كورەيا, ءۇندى مەملەكەتتەرىندە وتكەن حالىقارالىق وليمپيادالار مەن عىلىمي جوبالار بايقاۋىنا قاتىسىپ, 234 مەدال يەلەنىپتى. 158 وقۋشى جالپى ورتا ءبىلىم پاندەرى بويىنشا رەسپۋبليكالىق عىلىمي جوبالار بايقاۋى مەن وليمپيادالارعا قاتىسقان. 85 قاتىسۋشى جۇلدەگەر اتانىپ, مەدالدارمەن ماراپاتتالعان. رەسپۋبليكالىق وليمپيادا مەن عىلىمي جوبالار بايقاۋىندا استانا قالاسىنىڭ كومانداسى 7 جىل قاتارىنان جالپىكوماندالىق ەسەپتە ءى ورىنعا يە بولىپ, رەسپۋبليكا بويىنشا «ۇزدىك كوماندا» اتانعان.
ۇكىلى ءۇمىتتى, ۇلبىرەپ تۇرعان جاستارعا قاراساڭ كوز تويمايدى. قىزىعا ءارى قۋانا قارايسىڭ. سەن تۇر, مەن اتايىن دەپ, جالىنداپ تۇرعان سۇلۋ دا سىمباتتى جاستارعا قاراپ تۇرىپ, ەرتەڭگى بولاشاققا دەگەن سەنىمىڭ كۇشەيە تۇسكەندەي. ماعجان اقىن ايتقان ارىستانداي ايباتتى, جولبارىستاي قايراتتى, قىرانداي كۇشتى قاناتى بار ەلوردالىق تۇلەكتەرگە ءبىز دە اق جول تىلەيمىز!
ۆەنەرا تۇگەلباي,
«ەگەمەن قازاقستان».
