ەكسپورت ارتىپ, يمپورت ازايدى

كەشە ورتالىق كوممۋنيكاتسيالار قىزمەتىندە پرەمەر-ءمينيستردىڭ ورىنباسارى – قارجى ءمينيسترى باقىت سۇلتانوۆ باستاعان بىرقاتار مينيسترلەر ۇكىمەت وتىرىسىندا قارالعان ماسەلەلەر جونىندە ءباسپاسوز ءماسليحاتىن وتكىزدى. وندا ەلىمىزدىڭ الەۋمەتتىك-ەكونوميكالىق دامۋىنا قاتىستى ماسەلەلەر تالقىلانعاندىعىن ايتتى. پرەمەر-ءمينيستردىڭ ورىنباسارى ۇكىمەت وتىرىسىندا ەل پرەزيدەنتى جانىنداعى شەتەل ينۆەستورلارى كەڭەسىنىڭ 26-شى جانە 27-ءشى پلەنارلىق وتىرىستارىندا جاريالانعان مەملەكەت باسشىسىنىڭ تاپسىرمالارىن جۇزەگە اسىرۋ بارىسى تالقىلانعانىن اتاپ ءوتتى. «سونداي-اق, بۇگiنگi ۇكiمەتتiڭ وتىرىسىندا بيىلعى جىلدىڭ بەس ايىنداعى قازاقستاننىڭ الەۋمەتتiك-ەكونوميكالىق دامۋ بارىسى قارالدى. جالپى, ەكونوميكادا وڭ سەرپiن بار جانە الەۋمەتتiك-ەكونوميكالىق دامۋ قورىتىندىلارىن جاساۋ شەڭبەرiندە بiز اعىمداعى جىلدىڭ قاڭتار-مامىر ايلارىنداعى مەملەكەتتiك بيۋدجەتتiڭ اتقارىلۋ قورىتىندىلارىن قارادىق. وتكەن جىلدىڭ وسىنداي كەزەڭiمەن سالىستىرعاندا كورسەتكiشتەر اناعۇرلىم جوعارى. ماسەلەن, مەملەكەتتiك بيۋدجەتتiڭ كiرiسi 17,5 پايىزعا نەمەسە 461 ملرد. تەڭگە وسiمگە يە بولدى. بارلىق دەڭگەيدەگi بيۋدجەتتiڭ تۇسiمدەرi بەس ايداعى جوسپاردان 4,5 پايىزعا ارتىق ءتۇسiپ, 3 ترلن. 88 ملرد. تەڭگەنi قۇرادى», دەدi ب.سۇلتانوۆ. ۇكىمەت باسشىسىنىڭ ورىنباسارى, شىعىستاردىڭ ورىندالۋىندا دا وڭ وزگەرiستەر بايقالعاندىعىن ايتتى. وتكەن جىلدىڭ بەس ايىندا جوسپار 90 پايىزعا ورىندالسا, بيىل 98 پايىزعا ورىندالىپتى. «بۇل پروتسەستەردiڭ جاقسارۋىنا وتكەن جىلى بيۋدجەتتiك جانە مەملەكەتتiك ساتىپ الۋ زاڭناماسىنا ەنگiزiلگەن وزگەرiستەر اسەر ەتتى دەۋگە بولادى», دەپ تولىقتىردى ول. ءباسپاسوز ءماسليحاتىندا ەكونوميكا جانە بيۋدجەتتىك جوسپارلاۋ ءمينيسترى ە.دوساەۆ, ۇستىمىزدەگى جىلدىڭ 5 ايىنداعى ەلىمىزدىڭ الەۋمەتتىك-ەكونوميكالىق دامۋىنىڭ قورىتىندىلارى مەن 2014 جىلعى ەكونوميكالىق ءوسىمنىڭ ماقساتتى ينديكاتورلارىنداعى جەتىستىكتەر تۋرالى اڭگىمەلەدى. ءسويتىپ, وتكەن بەس ايداعى ەڭ جاعىمدى جاڭالىققا توقتالدى. بiرiنشi توقساندا ەكسپورتتىڭ جالپى كولەمi 22,6 ملرد. دوللاردى قۇراپ, 2013 جىلعى كولەممەن سالىستىرعاندا 1,6 پايىزعا از بولعانىمەن, جالپى مەجەدەن 11 پايىزعا ارتىپتى. سونىڭ iشiندە كەدەن وداعىندا ەكسپورتىمىز 1,2 ملرد. دوللارعا جەتىپتى. «ءوز كەزەگiندە كەدەن وداعىنان كەلەتiن يمپورتتىڭ كولەمi 19,8 پايىزعا ازايعان جانە 2,9 ملرد. دوللار كولەمiندە تiركەلiپ وتىر. سونداي-اق, تەڭگە باعامىنىڭ تۇزەتiلۋi ەسەبiنەن قىمباتتاعان يمپورت تاۋارلارى دا 11,7 پايىزعا كەمىگەن, دەدى ەكونوميكا جانە بيۋدجەتتىك جوسپارلاۋ ءمينيسترى ە.دوساەۆ. ادىلەت ءمينيسترى ب.يماشەۆ زياتكەرلىك مەنشىكتىڭ كەيبىر ماسەلەلەرى جونىندە ايتتى. ال كولىك جانە كوممۋنيكاتسيا ءمينيسترى ج.قاسىمبەك ازاماتتىق اۆياتسيانى دامىتۋ ماسەلەلەرىن ءسوز ەتتى. اۋىل شارۋاشىلىعى ءمينيسترى ا.مامىتبەكوۆ اوك سالاسىنداعى سالىق سالۋدى جەتىلدىرۋ جايلى باياندادى. وڭىرلىك دامۋ ءمينيسترى ب.جامىشەۆ مەملەكەت باسشىسىنىڭ شەتەل ينۆەستورلارى كەڭەسىنىڭ 26-شى جانە 27-ءشى پلەنارلىق وتىرىستارىندا بەرگەن تاپسىرمالارىن جۇزەگە اسىرۋدىڭ بارىسى تۋرالى جانە استانا قالاسى ماڭىنداعى ايماقتاردى دامىتۋدىڭ كەشەندى جوس­پارى مەن ازىق-ت ۇلىك بەلدەۋىن دامىتۋ جونىندەگى شارالار تۋرالى بايانداپ, سونداي-اق كاسىپكەرلىكتى دامىتۋ ماسەلەلەرى مەن «بيزنەستىڭ جول كارتاسى-2020» باعدارلاماسىنىڭ جۇزەگە اسىرىلۋ بارىسىنا توقتالدى. نۇرباي ەلمۇراتوۆ, «ەگەمەن قازاقستان».