بۇگىندە رەترو انگە اينالا باستاعان «حات جازىپ تۇر» ءانى تالاستىق اقىن نارشا قاشاعان ۇلى مەن كومپوزيتور اۋەزحان سالابەكوۆتىڭ شىعارماشىلىق تاندەمىنەن تۋعانىن كوپشىلىك بىلە بەرمەۋى مۇمكىن. جۇرەكتىڭ قىلىن شەرتەتىن تاماشا تۋىندى بەلگىلى ءانشى اسقار جۇنىسبەكوۆتىڭ جۇلدىزىن جارقىراتقانى دا ءمالىم.
شامامەن 2011 جىلى جازىلعان ءان ءالى كۇنگە دەيىن ەسكىرگەن جوق. ويتكەنى ەستى ءاننىڭ ەسكىرمەيتىنى ەكىباستان بەلگىلى عوي. قىسقاسى، ءسوزى مەن سازى ۇيلەسكەن شىعارمانى جۇرتشىلىق ءالى كۇنگە دەيىن وتىرىستاردا ورىندايدى.
جۇرتشىلىق اسقار جۇنىسبەكوۆتىڭ ورىنداۋىندا كوپشىلىككە جەتكەن تۋىندى تانىمال ءانشىنىڭ ۋىسىنا قالاي تۇسكەنىن بىلە بەرمەيدى. «دۇنگەن قىزى» ءانىن العاش شىرقاعان جامبىلدىق عاني ماتەباەۆ ورىنداۋعا ءتيىس بولعان شىعارما ءتۇپتىڭ تۇبىندە اسقاردىڭ ولجاسىنا اينالدى.
«بۇل ءاننىڭ ماعان بۇيىرۋىنىڭ ءوز تاريحى بار. اۋەزحان سالابەكوۆ اعامىز 2011 جىلى ءاندى عاني ماتەباەۆتىڭ ستۋدياسىندا جازىپ كەتكەن ەكەن. جولىم تۇسكەندە وسى تۋىندىنى تىڭداپ قالدىم. سودان عانيعا: «وسى ءاندى ماعان بەرشى»، دەپ قولقا سالعان بولاتىنمىن. دوسىم شىعارما يەسىمەن كەلىسە وتىرىپ، ءاندى ماعان ۇسىندى. ماحاببات تاقىرىبىنداعى تاماشا تۋىندى العاش ورىندالعان ساتتەن-اق كوپشىلىكتىڭ كوڭىلىنەن شىقتى»، دەيدى ءانشى وتكەن شاقتى ەسكە الىپ.
«حات جازىپ تۇر باسقا ويدى
جات سانا،
قايتالاپ وقىپ قالايىن
ءبىر شاتتانا.
حات جازىپ تۇر، حات جازىپ تۇر،
ساعىنىشىڭدى سىيعىزىپ.
حات جازىپ تۇر، حات جازىپ تۇر،
قاشىقتىقتى جەڭەدى تەك
حات قانا».
باسقانى بىلاي قويعاندا، ءاننىڭ وسى ءبىر قايىرماسىن جۇرت ءالى كۇنگە ۇمىتقان جوق. تارازعا ساپارلاپ كەلگەن كەزدە ءانشى اسقار جۇنىسبەكوۆ كومپوزيتور اۋەزحان سالابەكوۆپەن ءان ارقىلى تانىسىپ، رۋحاني ىنىسىنە اينالعانىن ايتقان ەدى. سونداي-اق ول تاماشا ءاننىڭ ءسوزىن جازعان ناكەڭمەن كەزدەسە الماعانىنا وكىنەتىنىن دە جەتكىزگەن ەدى.
قالاي الىپ قاراساق تا، «حات جازىپ تۇر» ءانى كوپشىلىك تىڭدارمانعا اسقار جۇنىسبەكوۆ ارقىلى تانىلعانى راس. ءان ءانشىسىن تاپتى دەگەن ءسوز وسىندايدا ايتىلسا كەرەك.
جامبىل وبلىسى
پرەزيدەنتتىڭ قاراپايىمدىلىعى قاتتى ۇنادى – شاۆكات راحمونوۆ
سپورت • بۇگىن، 23:06
مەرەكە • بۇگىن، 08:53
بۇۇ ناۋرىزى: الەمدى ۇيلەستىرەتىن مەيرام
مەرەكە • بۇگىن، 08:50
اباي • بۇگىن، 08:47
مەرەكە • بۇگىن، 08:45
مەرەكە • بۇگىن، 08:43
ۇقساس جاڭالىقتار
