ارانى الاتاۋ ءبولىپ تۇر دەمەسەك، قىرعىز بەن قازاق توسكەيدە مالى، توسەكتە باسى قوسىلعان باۋىر حالىق ەكەنى الىمساقتان ايان. ەكى ەل اراسىنداعى مادەني-ادەبي بايلانىس تا ەشقاشان ۇزىلمەگەن. جامبىل مەن توقتوعۇلدىڭ، مۇحتار مەن شىڭعىستىڭ اراسىنداعى رۋحاني تۇتاستىق، دوستىق تا سونىڭ ءبىر ايعاعى ىسپەتتى.
زاڭعار جازۋشى شىڭعىس ايتماتوۆتىڭ 95 جىلدىق مەرەيتويى اياسىندا اسقار توقپانوۆ اتىنداعى وبلىستىق قازاق دراما تەاترى قىرعىز رەسپۋبليكاسىنىڭ تالاس قالاسىنا ارنايى ىسساپارمەن باردى.
تالاستاعى كاپار مەدەتبەكوۆ اتىنداعى مۋزىكالىق دراما تەاترعا جينالعان جۇرت بۇل كۇنى جامبىلدىق اكتەرلەردىڭ ساحنالاۋىنداعى شىڭعىس ايتماتوۆتىڭ «انا-جەر-انا» قويىلىمىن تاماشالادى. الەم تانىعان قالامگەر شىعارماسى جەلىسىندەگى سپەكتاكلدى قازاق ونەرپازدارىنىڭ ورىنداۋىندا كورگەن جەرگىلىكتى جۇرتشىلىق جامبىلدىق اكتەرلەرگە قوشەمەتىن اياعان جوق.
بۇدان كەيىن تالاس شاھارىنىڭ باسشىلارى قوناقجايلىلىق تانىتىپ، جامبىل وبلىستىق قازاق دراما تەاترىنىڭ ۇجىمىن قالاداعى مادەني نىساندارعا باستاپ باردى. ناقتىراق ايتار بولساق، جامبىلدىقتار تالاس تورىندەگى «ماناس ەپوسى» جانە كلاسسيك جازۋشى شىڭعىس ايتماتوۆتىڭ مۋزەي-ۇيىنە ەكسكۋرسيا جاسادى.
اسقار توقپانوۆ اتىنداعى وبلىستىق قازاق دراما تەاترى ۇجىمى ايتماتوۆ شىعارمالارى جەلىسىندە كوپتەگەن سپەكتاكلدەردى ساحنالاپ ءجۇر. بۇل جۇمىستار الداعى ۋاقىتتا دا توقتاماق ەمەس. دارابوز تۇلعا ءومىرىنىڭ ءبىر بەلەسى جامبىل وڭىرىمەن دە بايلانىستى. سوندىقتان دا ەكى ءوڭىر اراسىنداعى رۋحاني بايلانىس ودان ارمەن جالعاسىن تابا بەرەدى.
جامبىل وبلىسى
قاراعاندىدا سۋ تاسقىنى قاۋپى بار ۋچاسكەلەر اۋەدەن باقىلاندى
ايماقتار • بۇگىن، 17:19
قازاقستاندىق اسكەري قىزمەتشى سۋپەر گران-پري جەڭىپ الدى
سپورت • بۇگىن، 16:54
بۇگىن ەلوردادا قازاقستان - دانيا ماتچى وتەدى
فۋتبول • بۇگىن، 16:27
تۇركىستاندا 11 جاستاعى قىز جوعالىپ كەتتى
ايماقتار • بۇگىن، 15:31
بەنزين مەن ديزەلدىڭ كوتەرمە ساۋداسىنا شەكتى باعا بەلگىلەنۋى مۇمكىن
قازاقستان • بۇگىن، 15:14
جانسايا ابدىمالىك ءبيبىسارا اساۋباەۆانىڭ سىنىنا جاۋاپ بەردى
سپورت • بۇگىن، 14:07
ۇقساس جاڭالىقتار
