«جوسپارلاۋ پروتسەسىندە شىعىندار وڭتايلاندىرىلىپ, بيۋدجەتتىڭ تەڭگەرىمدىلىگى قامتاماسىز ەتىلەدى. جاقىن ارادا ءبىز وسى جىلعا ارنالعان رەسپۋبليكالىق بيۋدجەت شىعىستارىنىڭ پارامەترلەرى مەن باعىتتارىن ناقتىلاي باستايمىز. بۇل رەتتە پرەزيدەنتتىڭ سايلاۋالدى باعدارلاماسىندا كورسەتىلگەن باستامالارى مەن تاپسىرمالارىنا باسا نازار اۋدارىلادى», دەدى ەرۇلان جاماۋباەۆ.
مينيستر الداعى ءۇش جىلدىق كەزەڭگە ارنالعان رەسپۋبليكالىق بيۋدجەتتىڭ جوباسىن قالىپتاستىرۋ بويىنشا جۇمىس جۇرگىزىلەتىنىن اتاپ ءوتتى.
«مۇندا بيۋدجەت قاراجاتىنىڭ تيىمدىلىگىن ارتتىرۋ جانە مەملەكەتتىك قارجىنىڭ تۇراقتىلىعىن نىعايتۋ جونىندەگى تاپسىرمالار مىندەتتى تۇردە ەسكەرىلەدى. بۇل باعىتتاعى جۇيەلى شەشىمدەر جاڭا بيۋدجەت كودەكسىنىڭ جوباسىندا كورىنىس تابۋى مۇمكىن», دەپ ءتۇسىندىردى ەرۇلان جاماۋباەۆ.
