الىستاعى ەلمەن الىس-بەرىس ارتادى

قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى ەرجان اشىقباەۆ كۋبا رەسپۋبليكاسىندا ساپارمەن بولدى. ساپار بارىسىندا قازاق­ستاندىق ديپلومات كۋبانىڭ سىرتقى ىستەر ءمينيسترى برۋ­نو رودريگەسپەن كەزدەسىپ, قازاق­ستان پرەزيدەنتى نۇرسۇلتان نا­زار­باەۆتىڭ كۋبا مەملەكەتتىك كەڭەسى مەن مينيسترلەر كەڭەسىنىڭ توراعاسى راۋل كاستروعا جولداۋ حاتىن تاپسىردى. كەزدەسۋ بارىسىندا ە.اشىقباەۆ, سونىمەن قاتار, قازاقستان سىرتقى ىستەر مي­نيسترى ەرلان ىدىرىسوۆتىڭ اتى­نان كۋبا سىرتقى ساياسات ۆە­دومستۆو­سىنىڭ باسشىسىن اس­تانا­عا رەسمي ساپارمەن كەلۋگە شا­قىر­دى. كۋبالىق تاراپ بۇل شاقى­رۋدى ريزاشىلىقپەن قابىل الدى. قازاقستاندىق دەلەگاتسيا كۋبا سىرتقى ىستەر ءمينيسترىنىڭ ورىن­باسارى روحەليو سيەررا باس­قارعان كۋبالىق دەلەگاتسيامەن ۆەدومستۆوارالىق كونسۋلتا­تسيالار وتكىزدى. ەكىجاقتى فورماتتاعى, سونداي-اق, بۇۇ جانە باسقا دا حالىقارالىق ۇيىمدار شەڭبەرىندەگى ىنتىماقتاستىق ماسەلەلەرىنىڭ كەڭ اۋقىمى تالقى­لاندى. تاراپتار ساياسي ۇنقا­تى­سۋدىڭ كۇشەيۋى مەن ەكىجاقتى قۇ­قىق­تىق نەگىزدىڭ دايەكتى تۇردە كەڭەيۋىن قاناعات سەزىممەن اتاپ ءوتتى. قازاقستان دەلەگاتسياسىنىڭ كۋبالىق جەتەكشى بيوفار­ما­تسەۆتيكالىق جانە حيميالىق ونىمدەردى شىعاراتىن كاسىپورىن – «لابيوفام» مەن گەندىك ينجەنەريا جانە بيوتەحنولوگيا­لار ورتالىعىنا ساپارلارى ءناتي­جەسىندە دەنساۋلىق ساقتاۋ سالا­سىنداعى ىنتىماقتاستىق پەرس­پەكتيۆالارى بەلگىلەندى. ە.اشىقباەۆ پەن ر.سيەررا ەكى ەل اراسىنداعى ۆيزالىق ءتار­تىپتى ودان ءارى جەڭىلدەتۋدى قول­داي­تىندارىن اتاپ ءوتتى. بۇل ەكى ەلدىڭ ىسكەرلىك بايلانىستارىنىڭ كەڭەيۋىنە جانە تۋريستىك الما­سۋدىڭ ارتۋىنا جول اشاتىن بولادى. سونداي-اق, قازاقستاندىق ديپلومات كۋبا سىرتقى ساۋدا جانە شەتەل ينۆەستيتسيالارى ءمينيسترىنىڭ ورىنباسارى يليانا نۋنەسپەن, كۋبا كوممۋنيستىك پارتياسى ورتالىق كوميتەتىنىڭ سىرتقى ىستەر دەپارتامەنتى باسشىسىنىڭ ورىنباسارى وس­كار مارتينەسپەن جانە كۋبا حالىق بيلىگى ۇلتتىق اسسامبلەيا­سى توراعاسىنىڭ ورىنباسارى انا ماريا ماچادومەن كەزدەستى. تاراپتار ءتۇرلى سالالارداعى ىن­تىماقتاستىقتى جانداندىرۋدى قولدايتىندارىن اتاپ ءوتتى. قر ءسىم باسشىسىنىڭ ورىنباسارى كۋبانىڭ ۇلتتىق قاھارمانى حوسە مارتي ەسكەرتكىشىنە گۇل شوعىن قويىپ, كۋبالىق باق-قا ەكسكليۋزيۆتى سۇحبات بەردى. «ەگەمەن-اقپارات».